¿Yoo kúú míí Ndio̱s ndaa̱ ndisa?

Iin túʼún laá vá kúú mií Ndio̱s ndaa̱ ndisa, ta kivi̱ sí kúú Jeová (Salmo 83:18). Kúú sí iin espíritu, ña̱yóʼo kúni̱a̱n kachian ña̱ e̱kúu kuni yó si. Kíʼvi̱ ini Ndio̱s mií yó ta kúni̱ si ña̱ ná kuni̱ yó si. Ta jaá ní kúni̱ si ña̱ ná kuni̱ yó java ka̱ na̱yivi (Mateo 22:35-40). Mií Ndio̱s Jeová kúú ta Káʼno chááka̱, ta ni̱ ka̱va̱ʼa ndikuií va ña̱ʼa.

Xinañúʼú ni̱ ka̱va̱ʼa Ndio̱s de̱ʼe si Jesucristó, ta yóʼo ni̱ si̱kuu si iin ángel ni̱ si̱io ndée̱ sí sata̱ kuaʼa̱ vá ña̱ʼa. Jaá ní ni̱ ka̱va̱ʼa Ndio̱s Jeová ndiʼi na̱ kúú ángel.

Ni̱ ka̱va̱ʼa Ndio̱s Jeová ndikuií va ña̱ ió indiví... ta ni̱ ka̱va̱ʼa si ndikuií va ña̱ ió nuu̱ Ñúʼu̱ ntseʼei̱ (Apocalipsis 4:11)

Ni̱ ka̱va̱ʼa Ndio̱s Jeová ti̱ñuu̱, ni̱ ka̱va̱ʼa si Ñúʼu̱ ntseʼei̱ ta ndikuií vá ña ió nuu̱án (Génesis 1:1).

Xíʼín ñúʼu̱ ya̱ká ni̱ ka̱va̱ʼa Ndio̱s ta̱a xinañúʼú ni̱ si̱naní Adán (Génesis 2:7).