TAʼNDÁ 3

¿Ñixi ni̱ si̱ndoyi na nuu̱ Ñúʼu̱ núchí?

Kuaʼa̱ ndiva̱ʼo ña̱ va̱ʼa ni̱ si̱ʼa Jeová Ndio̱s nuu̱ Adán xíʼín Evá (Génesis 1:28)

Ni̱ kava̱ʼa Ndio̱s Jeová Eva ta ni̱ si̱ʼasi ñá yóʼo nuu̱ Adán

Ñá ñáʼa̱ xinañúʼú ni̱ ka̱va̱ʼa Ndio̱s Jeová ni̱ si̱kuán Evá, ta ni̱ si̱ʼa si ñá yóʼo nuu̱ Adán já ná kukuuán ñajiʼí ra̱ (Génesis 2:21, 22).

Va̱ʼa ni̱ ka̱va̱ʼa Ndio̱s Jeová na̱yóʼo, va̱ʼa ni̱ si̱io sinítuni̱ ná, ko̱ ní si̱io kua̱chi na.

Adán xíʼín Eva ndeʼé noo̱ kuu veʼena̱, jardín Edén

Ni̱ si̱ndoyi na nuu̱ Ñúʼu̱ núchí naní Edén, yóʼo ni̱ si̱kuu veʼe na. Núchí ndiva̱ʼo ni̱ si̱kaa: ni̱ si̱io yu̱ta, yitó kuiʼí xíʼín kuaʼa̱ nu̱u kíti̱.

Mií Ndio̱s Jeová ni̱ si̱kaʼa̱n xíʼín ná ña̱ kánian kee na. Tá ní kée na ña̱ ni̱ si̱kaʼa̱n Ndio̱s xíʼín ná kuu kutaku na ndijaá táʼa̱n kivi̱ níkúu.

Ni̱ kachi Ndio̱s xíʼín ná ña̱ ná e̱kasí na kui̱ʼi iin yitó kuiʼí (Génesis 2:16, 17)

Yitó kui̱ʼi, ni̱ kachi Jeová xíʼín Adán xíʼín Eva na o̱kasina̱

Ni̱ ja̱náʼa̱ Ndio̱s Jeová iin yitó kuiʼí nuu̱ Adán xíʼín Evá, ta ni̱ kachi mií Ndio̱s xíʼín ná, ña̱ tá ná kasí ná kui̱ʼi íin nuu̱ yíto̱ káa miía̱n ndaa̱ kivi va na.

Satanás, ángel kíni,kuchúunri iin koo̱ jaá káʼa̱nri xíʼín Eva

Ko̱ ní sinajo̱ʼo iin ángel ña̱ ni̱ kaʼa̱n Ndio̱s. Ángel kini yóʼo kúúán Satanás ña̱ kúú Ti̱míaʼá.

Ko̱ ní kuni̱ Satanás ña̱ ná kunijo̱ʼo Adán xíʼín Evá ña̱ ni̱ kaʼa̱n Jeová Ndio̱s xíʼín ná. Ñakan ni̱ kuchúuan iin koo̱ já ná kaʼa̱n ri̱ xíʼín Evá ña̱ e̱kiví ña tá ná kasíán kui̱ʼi ña̱ ni̱ kachi Ndio̱s ña̱ e̱kúu kasian. Ni̱ kachi rí síʼán ña̱ kukuuán tátu̱ʼun mií Ndio̱s. Ña̱ tu̱ʼún vá ni̱ si̱kuu ña̱yóʼo (Génesis 3:1-5).