¿Ndá chúun kée na̱ kuaʼa̱n nuu̱ tein congregación?

Tein na̱ testigo Jeová ko̱ jutu̱ chaʼvi yó. Tátu̱ʼun ni̱ si̱kee ná na̱ ni̱ si̱kuu kuéntá Jesús ndá tá si̱naʼá, ta jaá ní kivi̱ víti ndóyi java na̱ kuaʼa̱n nuu̱ já ná ‘kakomí ná kuéntá sa̱ʼá na̱ kúú kuéntá Ndio̱sʼ (Hechos 20:28). Na̱ kuaʼa̱n nuu̱ tein congregación yóʼo kúú ná na̱yivi na̱ sini kuaʼa̱ saʼa̱ Tu̱ʼun Ndio̱s ta ndaá ná ta kúmí ná kuéntá saʼa̱ na̱ ñuu Ndio̱s, ta ‘kaja na ña̱ xíʼín ndinuʼu ini na jáchi̱ mé Ndióxi̱ na̱jandikoo a na ndáʼa̱ na̱. Sa̱ʼá ña̱ káa kéa̱ síniñúʼú koo kuéntá va̱ʼa na xi̱ʼi̱n ná tá kia̱ʼva kúni̱ Ndióxi̱. Ta ko̱ kája na ña̱ xi̱ʼín ña̱ ndúsa. Ta ni ko̱ kája na ña̱ sa̱ʼá jiu̱ʼún. Ñá̱ ndítaʼan kája na kéa̱ kaji̱i̱ ini ná xíʼín chúun yóʼoʼ (1 Pedro 5:1-3). ¿Ndíki̱án kée ná saʼa̱ miíyó?

Ndiʼi ini ná saʼa̱ yó ta ndaá ná miíyó. Na̱ kuaʼa̱n nuu̱ tein congregación yóʼo jánaʼa̱ ná nuu̱ na congregación ta ndaá ñaʼá ná ta ió iin ña̱ kée ña̱ na o̱koo va̱ʼa ná xíʼín Ndio̱s. Sini va̱ʼa ná ña̱ Ndio̱s kúú ta ni̱ si̱ʼa chúun káʼnu yóʼo nuu̱ ná, ko̱ saʼndá ná chúun nuu̱ yó ña̱ ná kée yó ña̱ kúni̱ miíná, ña̱ kée ná kíán chindeé ná miíyó ña̱ ná kandoyi va̱ʼa yó ta ná kujii̱ ini yó (2 Corintios 1:24). Tátu̱ʼun iin ta̱ ndaá ndikachi, ndaá va̱ʼa ra iin iin sána̱ rá, tá jaá ní na̱ kuaʼa̱n nuu̱ tein congregación yóʼo ndiʼi ini ná saʼa̱ iin iin ná ñuu kuéntá Ndio̱s (Proverbios 27:23).

Jánaʼa̱ ná nuu̱ yó ndixi kée yó ña̱ kúni̱ Ndio̱s. Ta nátaka yó semana ta semana na̱ kuaʼa̱n nuu̱ tein congregación yáʼa ná jánaʼa̱ ná nuu̱ yó, chindeé na̱yóʼo miíyó já kandeé cháá ka̱ ini yó Ndio̱s (Hechos 15:32). Na̱ ta̱a na ndañu̱ʼu Ndio̱s, kana ná kaʼa̱n ná saʼa̱ Tu̱ʼun Ndio̱s xíʼín yó ta jaá ní jánaʼa̱ ná nuu̱ yó ndixi va̱ʼa cháá ka̱ káʼa̱n yó saʼa̱ Tu̱ʼun Ndio̱s, ta na̱yóʼo kúú na̱ kuaʼa̱n nuu̱.

Si̱ʼa ná tu̱ndeé ini nuu̱ iin ta iin yó. Já ná koo va̱ʼa iin ta iin yó xíʼín Ndio̱s, na̱ kuaʼa̱n nuu̱ tein congregación yóʼo kaniʼni ná miíyó veʼe yó ta ndatu̱ʼun ná xíʼín yó ta kuaʼa̱n yó Veʼe nuu̱ nátaka na̱ testigo Jeová. Chindeé ná miíyó ta si̱ʼa ná tu̱ndeé ini nuu̱ yó xíʼín Tu̱ʼun Ndio̱s (Santiago 5:14, 15).

Na̱ kuaʼa̱n nuu̱ tein congregación na̱ yóʼo kée ná chúun jo, ió java na̱ kachúun ná já koto ná na̱ veʼe ná ta ndaá ñaʼá ná. Ná ñani táʼan yó kachúun ndeé ndiva̱ʼa na̱yóʼo ña̱káa kanian koo ña̱ ñúʼu yó nuu̱ ná (1 Tesalonicenses 5:12, 13).

• ¿Ndíki̱án kée na̱ kuaʼa̱n nuu̱ tein congregación?

• ¿Ndixi naʼa ná ña̱ ndiʼi ini ná saʼa̱ iin ta iin yó?