LECCIÓN 14
¿Ndíki̱án xiniñúʼúnyó keeyó jaá Ndio̱s ná nátaʼan inina ña̱ kekáʼnoyóna?
Tátu̱ʼun ni̱kati̱ʼayó nuu̱ lección sata̱, o̱ju̱ú ndiʼi religión nátaʼan ini Ndio̱s xinína. Jo kuuvá kekáʼnoyó Tatáyó Ndio̱s na̱ Ni̱kava̱ʼa nditáʼa̱n ña̱ʼa ta kuu ki̱ʼayó ña̱ kujii̱ inina. ¿Ndíki̱án kúú “tátu̱ʼun kánian kekáʼnoyó Ndio̱s” o ndá “religión” kúú ña̱ nátaʼan ini Ndio̱s xinína? (Santiago 1:27, TNM; nota). Ná kande̱ʼéyó ndíki̱án jánaʼa̱ Tu̱ʼun Ndio̱s.
1. ¿Ndeí va̱xi ña̱ nakani ndixi kánian keeyó jaá kekáʼnoyó Ndio̱s?
Nuu̱ Biblia va̱xi ndijaá ña̱ kánian keeyó jaá kekáʼnoyó Ndio̱s. Jesús ni̱kachina xíʼín Ndio̱s: “Chi̱ to̱ʼon mií ní kúú ña̱ ndaa̱” (Juan 17:17). Na̱ kuendá java religión, ko̱ nandukúna ña̱ ndaa̱ va̱xi nuu̱ Tu̱ʼun ii̱ Ndio̱s, ña̱ kúú Biblia; va̱ʼa chááka̱, kutoóna kandiko̱na ña̱ jánaʼa̱ na̱yivi xíʼín ña̱ kúú costumbre ko̱va̱ʼa. Jo Jeová ko̱ nátaʼan inina xinína ña̱ jándákoona o tavá xoona chúun saʼndána (kaʼviní Marcos 7:9). Sa̱ʼá ña̱yóʼo, tá ndíko̱yó ndijaá ña̱ ndaa̱ va̱xi nuu̱ Biblia ta kéeyó consejo va̱xi nuu̱ña, jaá kían xíʼoyó ña̱ kujii̱ ndiva̱ʼo ini Jeová.
2. ¿Ndixi kánian keeyó jaá kekáʼnoyó Jeová?
Saʼa̱ ña̱ Jeová kúúna Tatáyó ta kúúna na̱ Ni̱kava̱ʼa nditáʼa̱n ña̱ʼa, sa̱ʼá ña̱yóʼo iin túʼún láá mií Jeová kánian kekáʼnoyó (Apocalipsis 4:11, TNM). Ña̱yóʼo kúni̱ kachi ña̱ kánian ndinoʼo iniyó ná kúni̱yó Ndio̱s ta ná kekáʼnoyó iin túʼún láá miína, ta ná o̱sa̱koo iniyó kuchúunyó ni iin ña̱ kúú ídolo o toʼó ta ni ndikáa mií inga ña̱ʼa kava̱ʼa na̱yivi (kaʼviní Isaías 42:8).
Tá kekáʼnoyó Ndio̱s kánian keeyó ña̱yóʼo “ta ná koo vii ndo̱, ta ná ndukú ndó ña̱ nataʼan ini Ndios” (Romanos 12:1). Ña̱yóʼo kúni̱ kachi ña̱ vií kánian kandoyiyó tátu̱ʼun ki̱ʼa saʼndá Tu̱ʼun Ndio̱s chúun keeyó. Tátu̱ʼun ña̱yóʼo, na̱yivi na̱ kúni̱ ndísa Jeová na̱yóʼo chíndayaʼvina ta xinijo̱ʼona chúun saʼndá Jeová nuu̱ na̱ ni̱ta̱ndáʼa̱. Janí ko̱ kéena ni iin ña̱ʼa játi̱víña, tátu̱ʼun ña̱ kuchúunna droga o kaʼmina tabaco á ña̱ kakuuna na̱xíʼi.a
3. ¿Ndiva̱ʼa kánian kekáʼnoyó Jeová xíʼín na̱yivi kúni̱ kunijo̱ʼo ña̱ káʼa̱n Tu̱ʼun Ndio̱s?
Ña̱ nátakayó semana ta semana chindéeñayó jaá kuu kekáʼnoyó “Jeová [...] tein congregación” (Salmo 111:1, 2). Iin ña̱ kéeyó jaá kekáʼnoyó Ndio̱s kúú ña̱ xítayó yaa nuu̱na (kaʼviní Salmo 104:33). Saʼa̱ ña̱ kúni̱ Jeová miíyó xíka̱na nuu̱yó ña̱ ná nátakayó jáchi̱ xíni̱ va̱ʼana ña̱ ña̱yóʼo chindeéña miíyó jaá kandoyi jii̱ iniyó nditáʼa̱n tiempo. Tá nátakayó, naki̱ʼo táʼan iin ta iinyó ta̱ndeé ini.
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kande̱ʼéyó ndiva̱ʼa Jeová ko̱ kúni̱na ña̱ ná kuchúunyó toʼó tá kekáʼnoyóna. Janí ná kande̱ʼéyó ndíki̱án ndayaʼvi kánian keeyó tá kekáʼnoyó Ndio̱s.
4. Ko̱va̱ʼa kuchúunyó ña̱ kúú toʼó jaá kekáʼnoyó Ndio̱s
¿Ndiva̱ʼa xíni̱ va̱ʼayó ña̱ Ndio̱s ko̱ nátaʼan inina xinína ña̱yóʼo? Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:
¿Ndíki̱án ni̱ndoʼo na̱ ñuu Ndio̱s tá tiempo sata̱ tá ni̱kuchúunna toʼó jaá ni̱kekáʼnona Jeová?
Java na̱yivi káʼánna ña̱ nduyati chááka̱na nuu̱ Ndio̱s tá kuchúunna toʼó. Jo ¿á ko̱ jándákoo xoona Ndio̱s tá kéena ña̱yóʼo? Kaʼvindó Éxodo 20:4-6 xíʼín Salmo 106:35, 36, ta kanatúʼúnndó saʼa̱ ña̱ va̱xi yóʼo:
¿Ndiku̱ú ña̱ʼa o toʼó xiní miíní kekáʼno na̱yivi?
¿Ndixi káʼán Jeová saʼa̱ ña̱ kuchúunna toʼó?
¿Ndixi káʼán miíní saʼa̱ ña̱ kuchúunna toʼó?
5. Tá ná kekáʼnoyó iin túʼún jini̱ mií Jeová, chindeéñayó jaá o̱kandiko̱yó ña̱to̱ʼón kandísa kuaʼa̱ na̱yivi
Ná kande̱ʼéyó ndiva̱ʼa ña̱ kekáʼnoyó Jeová tátu̱ʼun ki̱ʼo kúni̱ miína chindeéñayó jaá o̱kandiko̱yó ña̱to̱ʼón kandísa kuaʼa̱ na̱yivi. Kande̱ʼéndó VIDEO.
Kaʼvindó Salmo 91:14 ta kanatúʼúnndó saʼa̱ ña̱ va̱xi yóʼo:
Tá ná naʼa̱yó nuu̱ Jeová ña̱ kúni̱yóna ta kúni̱yó kekáʼnoyó túʼún jini̱ miína, ¿ndíki̱án káchi Ndio̱s ki̱ʼona nuu̱yó?
6. Kekáʼnoyó Ndio̱s nuu̱ nátakayó tein congregación
Tá xítayó yaa ta káʼa̱nyó ña̱ ni̱kundaa̱ iniyó tein congregación, kekáʼnoyó Jeová ta naki̱ʼo táʼan iin ta iinyó ta̱ndeé ini. Kaʼvindó Salmo 22:22 ta kanatúʼúnndó saʼa̱ ña̱ va̱xi yóʼo:
¿Á kujii̱ ininí tá nda̱néʼena ndáʼa̱na káʼa̱nna nuu̱ nátakayó?
¿Á ko̱ kutoóní ña̱ janí keyíko̱ní iin ña̱ kuu káʼa̱nní nuu̱ nátakayó?
7. Jeová kutoó ndiva̱ʼona tá káʼa̱nyó nuu̱ javaka̱na ña̱ kati̱ʼayó
Ió kuaʼa̱ ña̱ʼa kuu keeyó jaá nakaniyó nuu̱ javaka̱na saʼa̱ ña̱ jánaʼa̱ Tu̱ʼun Ndio̱s. Kaʼvindó Salmo 9:1 xíʼín 34:1, ta kanatúʼúnndó saʼa̱ ña̱ va̱xi yóʼo:
Nuu̱ ndijaá ña̱ sa̱ ni̱kati̱ʼaní saʼa̱ Tu̱ʼun Ndio̱s, ¿ndíki̱án kutoó chááka̱ní nakaniní nuu̱ javaka̱na?
ÑA̱ KÁʼA̱N INGA NA̱YIVI: “Tá ná kakuu kuitíyó na̱yivi va̱ʼa, kuuvá kekáʼnoyó Ndio̱s ndiki̱ʼo kúni̱ miíváyó”.
¿Ndixi káʼán miíní?
ÑA̱ NI̱KATI̱ʼAYÓ
Xíʼoyó ña̱ kujii̱ ini Jeová tá kekáʼnoyó iin túʼún jini̱ miína, ta janí kekáʼnoyó Jeová nuu̱ nátakayó tein congregación ta janí tá nakaniyó nuu̱ javaka̱na ña̱ sa̱ ni̱kati̱ʼayó saʼa̱ Ndio̱s.
¿Á naku̱ʼun inión?
¿Ndeí va̱xi ña̱ nakani tátu̱ʼun ki̱ʼo kúni̱ Ndio̱s ña̱ ná kekáʼnoyóna?
¿Ndiva̱ʼa kánian kekáʼnoyó iin túʼún jini̱ mií Jeová?
¿Ndiva̱ʼa kánian kekáʼnoyó Jeová xíʼín na̱yivi kúni̱ kunijo̱ʼo ña̱ káʼa̱n Tu̱ʼun Ndio̱s?
KUU NANDUKÚNÍ JAVAKA̱ ÑA̱ʼA
Kaviʼní ña̱ nakani iin ñáʼa̱ “Ko̱ kandísaka̱i ndijaá ña̱ kúú toʼó” ndixi ni̱ja̱ndákoo iin ñáʼa̱ ña̱ kekáʼnoñá toʼó.
“Tu̱ʼun Ndio̱s nája̱ma vida na̱yivi” (La Atalaya, 1 de julio de 2011)
Kande̱ʼéní java ña̱ʼa kuu keení jaá niʼi̱ ininí ndixi káʼa̱nní tá nátakayó.
“Ná kekáʼnoyó Jeová tein congregación” (La Atalaya, enero de 2019)
Kande̱ʼéní ndixi ni̱chindeé reunión iin ta̱lóʼo̱ va̱árá ña̱ kuáchi̱ sa̱kuuña nuu̱ra kuʼu̱nra nuu̱ nátakana.
Kuaʼa̱ na̱yivi kekáʼnona cruz ta káchina ña̱ kúúna cristiano, jo ¿á kánian kuchúunyó cruz jaá kekáʼnoyó Ndio̱s?
“¿Ndiva̱ʼa na̱ testigo Jeová ko̱ kuchúunna cruz?” (Artículo nuu̱ jw.org)
a Jákuáʼayó saʼa̱ ndijaá ña̱yóʼo nuu̱ lección va̱xi chínuu̱.