¿Ndixi jáka̱ku ña̱ ni̱xiʼi̱ Jesús miíyó?

Na̱yivi miínu̱ú ni̱sandoyi nuu̱ Ñúʼu̱ Ndeʼi̱—Adán xíʼín Eva—ko̱ ni̱xinijo̱ʼona Ndio̱s. Sa̱ʼá ña̱yóʼo kúúyó na̱yivi kua̱chi, ta ndóʼo iniyó ta xiʼi̱yó.a Jo o̱ju̱ú ndiʼi chúun ni̱ti̱vi. Jáchi̱ Jeová ni̱keena iin ña̱ʼa jaá jáka̱kuna miíyó nuu̱ kua̱chi ta nuu̱ ña̱ xiʼi̱yó, ni̱kuchúunna De̱ʼena, Jesucristo. Tu̱ʼun Ndio̱s jánaʼa̱ña ña̱, xíʼín ña̱ ni̱xiʼi̱ Jesús, ni̱chi̱ya̱ʼvina iin rescate. Ta iin rescate kúú iin ña̱ kánian chíya̱ʼvina jaá jáka̱kuna iin na̱yivi. Ta ña̱ ni̱kuchúun Jesús jaá ni̱chi̱ya̱ʼvina saʼa̱yó sa̱kuu vida perfecta na (kaʼviní Mateo 20:​28, TNM). Jesús ni̱saiona ña̱ máni̱ ña̱ ni̱naki̱ʼona miína ni̱xiʼi̱na saʼa̱yó va̱árá kuuva koona nditáʼa̱n tiempo nuu̱ Ñúʼu̱ Ndeʼi̱ yóʼo. Saʼa̱ ña̱ ni̱kee Jesús ña̱yóʼo, ni̱so̱nona íchi̱ ña̱ ná naniʼi̱yó ña̱ ni̱ja̱naá Adán xíʼín Eva. Ta janí ni̱naʼa̱ Jeová xíʼín Jesús ña̱ kúni̱ ndiva̱ʼona miíyó. Lección yóʼo chindeéán miíní jaá ndinoʼo ininí naki̱ʼoní ndiveʼe saʼa̱ ña̱ ni̱xiʼi̱ Jesús saʼa̱ní.

1. ¿Ndixi chindeéña miíyó viti ña̱ ni̱xiʼi̱ Jesús?

Saʼa̱ ña̱ kúúyó na̱yivi kua̱chi, kéeyó kuaʼa̱ ña̱ʼa ko̱ nátaʼan ini Jeová xinína. Jo kuuvá saa̱yó kanetáʼan va̱ʼayó xíʼín Jeová tá miía̱ndaa̱ ndísa nandióko̱o iniyó saʼa̱ kua̱chi ni̱keeyó ta kuchúunyó kivi̱ Jesús tá xíka̱taʼvi̱yó nuu̱ Jeová, ña̱ ná kokáʼno inina saʼa̱ kua̱chi ni̱keeyó. Ta janí tá ndukundeéyó ña̱ o̱nandióko̱oka̱yó keeyó inga ta inga tuku kua̱chi (1 Juan 2:1). Tu̱ʼun Ndio̱s káchi: “ni̱ ndoꞌo taꞌani nío̱ Cristo tá ni̱ xiꞌi̱ na̱ iin tóꞌón ndée̱ sa̱ꞌá kua̱chi yó. Iin na̱ ndaa̱ kúú ná, tído ni̱ xiꞌi̱ na̱ saꞌa̱ yóó, na̱ kómí kua̱chi, dá kuu kandaka na yó koꞌo̱n na̱ noo̱ Ndios” (1 Pedro 3:​18).

2. ¿Ndixi chindeéña miíyó chááka̱ chínuu̱ ña̱ ni̱xiʼi̱ Jesús?

Jeová ni̱chi̱ndaʼána De̱ʼena jaá ni̱naki̱ʼona vida perfecta na “jaá ndiʼi na̱yivi na̱ naʼa̱ ña̱ ió fe na xíʼínna [Jesús] ná o̱kivika̱na, ta ná niʼi̱na ña̱ kandoyina ndijaá táʼa̱n tiempo” (Juan 3:​16, TNM). Ndiveʼe Jesús ña̱ ni̱keena ña̱yóʼo, nda̱ lóʼo̱ tiempo kúmani̱ ta Jeová jándíʼina nuu̱ ndijaá ña̱ kini jándóʼo iniyó saʼa̱ ña̱ ko̱ ni̱xinijo̱ʼo Adán Ndio̱s. Ña̱yóʼo kúni̱ kachi ña̱, tá ná naʼa̱yó ña̱ ió fe yó xíʼín Jesús ña̱ ni̱xiʼi̱na saʼa̱yó, ta javí kuu niʼi̱yó ña̱ kandoyi jii̱yó ndijaá táʼa̱n tiempo nuu̱ Ñúʼu̱ Ndeʼi̱ yóʼo tá ná nduuña iin ñuyíví ñúchí káa (Isaías 65:​21-​23).

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

3. Ña̱ ni̱xiʼi̱ Jesús jáka̱kuna miíyó nuu̱ kua̱chi xíʼín nuu̱ ña̱ xiʼi̱yó

VIDEO: ¿Ndiva̱ʼa ni̱xi̱ʼi̱ Jesús? (táʼvi kúú 1) (2:​01)

• ¿Ndiku̱ú ña̱ ko̱ ni̱niʼi̱ Adán saʼa̱ ña̱ ko̱ ni̱xinijo̱ʼora Ndio̱s?

Kaʼvindó Romanos 5:​12 ta kanatúʼúnndó saʼa̱ ña̱ va̱xi yóʼo:

• ¿Ndíki̱án ni̱ja̱ya̱ʼa Adán nuu̱ miíní saʼa̱ kua̱chi ni̱keera?

Kaʼvindó Juan 3:​16, TNM ta kanatúʼúnndó saʼa̱ ña̱ va̱xi yóʼo:

• ¿Ndiva̱ʼa ni̱chi̱ndaʼá Jeová De̱ʼena ni̱kixina nuu̱ Ñúʼu̱ Ndeʼi̱ yóʼo?

1. Adán ni̱sakuura iin ta̱a perfecto, jo tá ko̱ ni̱xinijo̱ʼora Ndio̱s, ni̱ja̱ya̱ʼara kua̱chi xíʼín ña̱ xiʼi̱ nuu̱ nditáʼa̱n na̱yivi.

2. Jesús ni̱sakuuna iin ta̱a perfecto, ta na̱yóʼo ni̱xinijo̱ʼona Ndio̱s, ta xíʼín ña̱yóʼo ni̱so̱nona íchi̱ ña̱ na̱yivi kuu nduuna perfecto ta kandoyina ndijaá táʼa̱n tiempo.

4. Ña̱ ni̱xiʼi̱ Jesús kuu naki̱ʼoña ña̱ va̱ʼa nuu̱ inííkúú ñuyíví

VIDEO: ¿Ndiva̱ʼa ni̱xi̱ʼi̱ Jesús? (táʼvi kúú 2) (2:​00)

• ¿Ndixi kuu kée ña̱ ni̱xiʼi̱ iin túʼún ta̱a jaá kuu niʼi̱na ña̱ va̱ʼa inííkúú ñuyíví?

Kaʼvindó 1 Timoteo 2:​5, 6, TNM ta kanatúʼúnndó saʼa̱ ña̱ va̱xi yóʼo:

• Adán ni̱sakuura iin ta̱a perfecto, jo tá ni̱keera kua̱chi, néʼera ndiʼi na̱yivi kuaʼa̱nna nuu̱ kua̱chi ta nuu̱ ña̱ xiʼi̱na. Jesús janí sa̱kuuna iin ta̱a perfecto. ¿Ndixi ni̱kee Jesús jaá ni̱chi̱ya̱ʼvina ña̱ kúú “rescate kánian chíya̱ʼvina”?

5. Rescate kúú iin ña̱ kemáni̱ Jeová miíní

Na̱ netáʼan va̱ʼa xíʼín Jeová ndéʼéna rescate tátu̱ʼun iin ña̱ kemáni̱ Ndio̱s saʼa̱ miína. Jaá ná kande̱ʼéndó iin ña̱yóʼo, kaʼvindó Gálatas 2:​20, TNM ta kanatúʼúnndó saʼa̱ ña̱ va̱xi yóʼo:

• ¿Ndiku̱ú ña̱ ni̱ka̱ʼa̱n apóstol Pablo naʼa̱ ña̱ ni̱sande̱ʼéra rescate tátu̱ʼun iin ña̱ kemáni̱ Ndio̱s saʼa̱ miíra?

Tá ni̱kee Adán kua̱chi, ni̱niʼi̱ra ña̱ miíra xíʼín nditáʼa̱n de̱ʼera saa̱na kivina. Jo Jeová ni̱chi̱ndaʼána De̱ʼena ni̱kixina nuu̱ Ñúʼu̱ Ndeʼi̱ jaá ni̱xiʼi̱na ta ná kuu niʼi̱ miíní ña̱ kooní ndijaá táʼa̱n tiempo.

Nani kaʼviní ndijaá versículo yóʼo, nákani ininí ndixi ví ni̱kuu ini Jeová tá ni̱sande̱ʼéna ndiki̱ʼoví ni̱ndoʼo ini De̱ʼena. Kaʼvindó Juan 19:​1-7, TNM xíʼín 16-​18, TNM ta kanatúʼúnndó saʼa̱ ña̱ va̱xi yóʼo:

• ¿Ndixi kuu ininí viti ña̱ ni̱kundaa̱ ininí ña̱ ni̱kee Jeová xíʼín Jesús saʼa̱ miíní?

ÑA̱ NI̱KATI̱ʼAYÓ

Ndiveʼe saʼa̱ ña̱ ni̱xiʼi̱ Jesús, kuu kokáʼno ini Jeová saʼa̱ kua̱chiyó ta kuu niʼi̱yó ña̱ kandoyiyó ndijaá táʼa̱n tiempo.

¿Á naku̱ʼun inión?

• ¿Ndiva̱ʼa ni̱xiʼi̱ Jesús?

• ¿Ndiva̱ʼa ni̱kuu ni̱chi̱ya̱ʼvi vida perfecta Jesús ña̱ kúú “rescate kánian chíya̱ʼvina”?

• ¿Ndiku̱ú ña̱ va̱ʼa niʼi̱ miíní ña̱ ni̱xiʼi̱ Jesús?

KUU NANDUKÚNÍ JAVAKA̱ ÑA̱ʼA

Nandukúní ndiva̱ʼa xíʼín vida perfecta Jesús ni̱kuu ni̱chi̱ya̱ʼvina saʼa̱ kua̱chi ña̱ ni̱kee Adán.

“¿Ndixi kúú ña̱ ni̱xiʼi̱ Jesús iin ‘rescate saʼa̱ kuaʼa̱ na̱yiviʼ?” (Artículo nuu̱ jw.org)

Nandukúní ndíki̱án kuu keeyó jaá ka̱kuyó.

“¿Ndixi kuu jáka̱ku Jesús miíyó?” (Artículo nuu̱ jw.org)

¿Á kokáʼno ini Jeová saʼa̱ kua̱chi kaʼví kéeyó?

“Ña̱ ndakatu̱ʼúnna saʼa̱ Tu̱ʼun Ndio̱s” (La Atalaya, 1 de mayo de 2013)

Tá ni̱kundaa̱ ini iin ta̱a ndivaʼa ni̱xiʼi̱ Jesús ni̱chindeéña jaá ni̱naja̱mara ña̱ ni̱sakeera ta ndioxi ni̱saio inira. Kaʼviní ña̱ ni̱ndoʼora.

“Ko̱ kúúka̱i iin ta̱a to̱ndóo” (Artículo nuu̱ jw.org)