7 Saben Aku ngomong nèk Aku arep nyabut, ngremuk, lan nyingkirké salah siji bangsa utawa kerajaan,+ 8 ning bangsa kuwi ora nindakké manèh kejahatan sing Tak omongké, Aku bakal berubah pikiran* soal bencana sing arep Tak wènèhké kanggo bangsa kuwi.+

21 ”’Nèk ana wong jahat sing mertobat saka kabèh dosa sing wis ditindakké lan nindakké apa sing adil lan sing bener, dhèwèké mesthi bakal tetep urip. Dhèwèké ora bakal mati.+ 22 Aku ora bakal ngukum wong kuwi merga kesalahan sing wis ditindakké.+ Dhèwèké bakal tetep urip, merga dhèwèké nindakké sing bener.’+

23 ”Gusti sing Mahakuwasa Yéhuwah kandha, ’Apa Aku seneng nèk wong jahat mati?+ Ora. Aku pénginé wong kuwi mertobat lan ora mati.’+

2 Mula, Yunus ndonga marang Yéhuwah, ”Yéhuwah, iki sing tak pikirké mbiyèn sakdurungé aku mangkat. Mula mbiyèn aku mlayu menyang Tarsyis+ merga aku ngerti nèk Njenengan kuwi Gusti Allah sing apikan, gampang mesakké, sabar, lan nduwé katresnan* sing gedhé banget.+ Njenengan ya ora seneng ngukum.