• Mazmur 22:16-18
    Kitab Suci Terjemahan Donya Anyar

    • 16 Mungsuh-mungsuhku kaya asu sing ngepung aku.+

      Wong-wong kuwi nggrudug aku kaya grombolan wong jahat.+

      Wong-wong kuwi kaya singa sing nyokot tangan lan sikilku.+

      17 Balung-balungku kétok.*+

      Wong-wong kuwi ndelok lan ngematké aku.

      18 Wong-wong kuwi mbagi-mbagi klambiku,

      Lan klambiku diundhi.+

  • Yésaya 53:1-12
    Kitab Suci Terjemahan Donya Anyar

    • 53 Sapa sing percaya karo omongan sing tak sampèkké?*+

      Yéhuwah nduduhké kuwasané*+ marang sapa?+

       2 Ing ngarepé dhèwèké,* wong kuwi kaya cabang+ sing thukul lan kaya akar ing tanah sing gersang.

      Wong kuwi ora kétok kaya wong penting utawa wong sugih.+

      Wektu ndelok wong kuwi, wong ora péngin nyedhak merga dhèwèké ora menarik.

       3 Dhèwèké diécé lan diedohi wong liya.+

      Dhèwèké ngerti rasané lara lan cedhak karo wong lara.

      Dhèwèké kaya wong sing dipléngosi wong liya.

      Dhèwèké diécé, lan aku ora perduli karo dhèwèké.+

       4 Aku nganggep nèk dhèwèké ngalami kesusahan, dikutuk, lan dihukum Gusti Allah,

      Padahal sakjané dhèwèké sing nyangga penyakitku+

      Lan ngrasakké kesusahanku.+

       5 Dhèwèké ditusuk+ merga pelanggaranku+

      Lan disiksa merga kesalahanku.+

      Dhèwèké dihukum bèn aku isa rukun karo Gusti Allah.+

      Dhèwèké nganti luka-luka bèn aku isa mari.+

       6 Aku kaya domba sing kesasar+

      Lan mencar dhéwé-dhéwé.

      Yéhuwah mènèhké kabèh kesalahanku marang wong kuwi.+

       7 Dhèwèké dianiaya+ lan meneng waé wektu ditindhes.+

      Dhèwèké ora ngomong apa-apa.

      Dhèwèké kaya domba sing arep dibelèh,+

      Kaya domba sing meneng waé wektu arep dicukur wuluné.

      Dhèwèké ora ngomong apa-apa.+

       8 Dhèwèké ditindhes lan dipatèni merga keputusan sing ora adil.

      Ora ana sing mikirké asal usulé.

      Dhèwèké dipatèni.*+

      Dhèwèké dipatèni* merga kesalahané bangsaku.+

       9 Kuburané ana ing antarané wong jahat,+

      Lan dhèwèké dikubur ing kuburané wong sugih,+

      Padahal dhèwèké ora salah*

      Lan ora tau ngapusi.+

      10 Yéhuwah setuju* dhèwèké disiksa lan dilarani.

      Gusti Allah, nèk Njenengan ngorbanké dhèwèké dadi persembahan kesalahan,+

      Umuré bakal dawa,+ lan dhèwèké bakal ndelok keturunané,*

      Lan sing dikarepké* Yéhuwah bakal kelakon liwat dhèwèké.+

      11 Sakwisé dhèwèké ngalami kabèh kesusahan, dhèwèké bakal puas merga ndelok hasil kerja kerasé.

      Abdi-Ku+ sing nindakké apa sing bener bakal nggunakké pengetahuané

      Supaya isa mbantu wong akèh bèn Tak anggep bener.+

      Dhèwèké nanggung kesalahané wong-wong kuwi.+

      12 Mula, Aku bakal mènèhi dhèwèké bagéan bareng karo wong akèh.

      Dhèwèké bakal mbagi-mbagi jarahan perang marang wong-wong sing kuwat

      Merga dhèwèké wis mènèhké nyawané+

      Lan dianggep wong jahat.+

      Dhèwèké nyangga dosané wong akèh+

      Lan mbantu wong sing dosa.+

  • Danièl 9:26
    Kitab Suci Terjemahan Donya Anyar

    • 26 ”Sakwisé 62 minggu kuwi, Mésias bakal dipatèni.+ Dhèwèké bakal mati tanpa nduwé apa-apa.+

      ”Ana pemimpin lan tentarané sing bakal teka, terus ngancurké kutha lan panggonan suci kuwi+ kaya banjir sing ngancurké. Nganti akhir, bakal ana perang terus. Bakal ana kehancuran sesuai karo keputusané Gusti Allah.+