29 ”Gusti sing Mahakuwasa, saiki matiku isa tenang,+ merga budhakmu iki wis ndelok nèk janji-Mu wis mbok tepati. 30 Aku wis ndelok wong sing bakal nylametké manungsa.+ 31 Dhèwèké wis Njenengan utus bèn kabèh wong isa ndelok kuwi.+ 32 Dhèwèké kuwi cahaya+ sing nggawé bangsa-bangsa+ dadi isa ndelok jelas. Dhèwèké ya dadi kemuliaané Israèl, umat-Mu.”

5 Wektu Silas+ lan Timotius+ teka saka Makédonia, Paulus mulai sibuk nggunakké akèh wektuné kanggo martakké omongané Gusti Allah. Paulus mènèhi kesaksian marang wong Yahudi kanggo mbuktèkké nèk Yésus kuwi Kristus.+ 6 Ning, merga wong-wong kuwi terus-terusan nentang lan ngécé, Paulus ngebutké debu saka klambiné+ lan kandha, ”Nèk nganti kowé ora dislametké,+ kuwi dudu tanggung jawabku.+ Mulai saiki, aku bakal lunga menyang bangsa-bangsa liya.”+

19 Aku ya takon: Apa Israèl ora ngerti? Mesthiné ngerti.+ Pertama, Musa nyampèkké omongané Gusti Allah, ”Aku bakal nggawé kowé cemburu liwat wong-wong sing dudu bangsa Israèl. Aku bakal nggawé kowé nesu liwat bangsa sing bodho.”+