¹⁸ Saiki, mung gari wong loro kuwi sing neruské perjalanan menyang Bètléhèm, sing kira-kira butuh wektu seminggu. Senajan isih ngrasa kélangan, nanging Rut lan Naomi rada kelipur merga isa padha nguwatké siji lan sijiné.

²¹ Wong wadon loro kuwi akiré tekan Bètléhèm, désa sing adohé kira-kira sepuluh kilomèter ing sisih kidul Yérusalèm. Kétoké, Naomi lan keluargané mbiyèn cukup terkenal ing kutha cilik kuwi, merga saben wong ngomongké bab Naomi sing mulih manèh menyang Bètléhèm. Wong-wong wadon ing kana padha kandha, ”Apa iku Naomi?” Kétoké, wong-wong ora langsung ngerti nèk kuwi Naomi. Dhèwèké saiki wis malih. Penampilan lan wajahé Naomi nduduhké beban kasusahané sing wis taunan dialami ing Moab, uga rasa kélangané.​—Rt. 1:19.