Konne maxaafaꞌni hexxeexxe Maxaafi Qullichchiinxe barachchonaaꞌni woꞌma laꞌo alfa dandeettattoki hittate?
Edissettexxi barachchotixxa abishsho leellishshaaxxa kuta yaansis; okkooꞌni VIIDIYO uudi.
SAFIINXA KUTA
Duuchchiinga deeronna, xilliseme borreessemeeka qortumuwwa (A), ittan umo beddo ifissaaxxa xiqsuwwa (B) yaansis. Xiqseti bira “yaansis” hiyyaꞌneeke ajajiꞌa miꞌlachcho uwwi.
ODDITTE KUTA
Baꞌlaxxa Qoꞌne hitaꞌneexxi butti darreeꞌni hedheeki harumaaki yaadi (C) itti aana maachcho barantaaxxa ifisaaken. Qurxateꞌni (D) illitte mariꞌetee kaddaaxxi bedduwwa hexxeen. Xiqsuwwa yaansis, qortumuwwakeꞌe hiissichcho uwwi, ittan viidiyotanna uudi.
VIIDIYOTIXXI kollo baci miidiyuwwi hedheexxe bakkabaa akeekkaan. Mitte mitte viidiyo dhugaatike raagaꞌni hundeessendeexxen. Wele kinni dhugaatike raagaꞌni hundeessendeexxe kaddebaangi, mitte yaane barsiisate diraamiinxe fakkeꞌni qophpheessendeexxen.
Fakkenna fakketika ifissanjo (E) hubati, ittan Mitti Mitti Manni Iitta Hiyyaan (F) hiyyaaꞌneeke yaadiꞌa hitta hite hiissitattoxxa hedi.
MUUXAMIINXA KUTA
Barachcho tenneꞌe Bukkassatinna Hige Qalliyyati (G) muuxi. Barachcho muuxendeexxa barra borreessi. Tenneꞌe woꞌlaan (H) hitaꞌneexxe bakkaꞌni hujeteꞌn hosissattoxxi bedduwwa hexxeen. Firfirsi (I) hitaꞌneexxe beddoꞌn yaansissattoxxi borreessilenna uuddattoxxi viidiyo hexxeen.
Maxaafiinxa Kutuwwa
|
|
Kuta 2 |
Kuta 3 |
Kuta 4 |
Leba Yaada |
Maxaafi Qullichchiinxa xiqse bannaa qico
Maxaafi Qullichchi giddo 66 shiixxarammi maxaafuwwi hedheen. Isinna: Ibraysixetikanna Aremayetika (“Dullatte Kako”) Qullichcha Maxaafuwwa, ittan Kirsitaaniinka Girketika (“Haarooxxa Kako”) Qullichcha Maxaafuwwa hiyyeme lameba qoodemaan.
Xiqse banateꞌe, edissettexxi Maxaafiinka summa (A), okkooꞌni hafuura adhdha (B), ittan laakkoossa (C) ban.
Fakkeennakeꞌe, Yohaannisi 17:3, hinaa wodda hafuura adhdha 17 laakkoossi 3 ke hiyyoten.