Leba Tarja

“Manfasiniinxa Faaruwwa” Sammoteꞌn Abixxa Baratte

“Haranga yaadannoxxa yanna Yihowwa aneꞌe JW Birodikastingeteꞌn afendaaxxe faaruwwani jajjabeessaan”—Lorren, U.S.A.

“Manfasiniinxi Faaro” kirsitaaniinxe mageneeffachchoxxe kutan. (Qola. 3:16) Faaro sammoteꞌn abixxa baratoottole faarotiki maxaafi yookin Elekitroonetiki miyi hedheebaaxxe bakkaꞌn faarsa dandeettaton. Faaro sammoti abida dandeettatoshsha konneechchini buttiꞌa hexxeexxi bedduwwa ateꞌe gargaartaan.

Faarotixxe gencexxa tika egeꞌnateꞌe xexxeꞌachchoti yaansis. Faarotixxi tika ateꞌn aaggoole faaro eteneꞌe sholla qicini qalli hiyya dandeettaton. Duuchchiniinxe faaroxxi, orjinaale faaroxxinna oosetixxe faaroxxi gence jw.orgꞌn afendaan. Laabirereteꞌn Muuziqa hitaꞌneexxa kuta uud.
Gencuwwa angati borreesi. Iitta assitaattole genceti giddo hexxeexxa hiyyuwwa qalli hiyya dandeetatton.—Zeda. 17:18.
Hafuura qeerrisseꞌe faarsi. Faaro higge higgeenni faarsi yookin yaansis.
Hittee qico qaabbataatexxa hedi. Gence uudebexxongi hittee qico qalli hitaatexxa hedateꞌe woꞌlaan, ittan hittee qico seeriki hiteetexxa qulleesi.