Umo Umo Kadeeka Yaada Qalli Hiyyi

Mitte mitte yanna qoꞌnissettexxa yaane qalli hiyya haꞌurtaꞌnee? Tinni noꞌo duuchchiingeꞌni, mitte mitte yanna futti hitaaxxe yaanen. Maa assiteettele woyyata? Yansissettexxe yaanenaaꞌn umo umo kadeeka yaada higgeꞌe qalli hiyyi.

Qoꞌne assitattoxxa yanna yansissaattexxe yaanenaaꞌn umo umo kadeeka yaada, qalli hiyyatee hekki hitaꞌni qoꞌnisi. Hawaaryaa Phawuloosi isi borreessexxa daddaabbe yansissaammaki manni tennee yaane assaashsha jajjabesseeki hittate kaddeexxa hubati: “taꞌa yoona haasoonnaannexxe yaaneki umi yaadi konneten” hiyyeen. (Ibra. 8:1) Konnee orinni isoo caqasaꞌneeki manji, isi barsiisaꞌneexxi yaane maachcho kaddeexxa egeꞌnaashshanna haasoꞌaꞌneexxi yaane duuchchiinxi, haasoꞌiinke umi yaadinni shiqaki hittate kaddeexxa qalbeeffantaashsha gargaareen.

Atinna qoꞌnisatto wodda qoꞌnisaattexxe yaaneki umi yaadi maachcho kadeexxa qalli hiyyateꞌe tome daqiiqa hekki hiyyeteꞌe heda dandeettatton. Qoꞌnissettexxa yaane higgeen qalli hiyya dandeꞌa gophphaattole, gufo yookiin derrokenaaꞌni taakkaka hiyyichcho yaansisi, iitta assa higge qalli hitattoshsha gargaartaan. Mitte haarooxxa yaane barattottole, ettenee yaane ifike jechchinni ifisatee woꞌlaan. Umo umo yaada higge higgeen qalli hitaattexxe kaddoole tinni yaane gargaartaaki, qalli hitattoshsha calla kaddeebaangi, barattettexxa yaane hedho atixxeꞌn hujeteꞌn hosisa dadeettattoki hittate kaaddeexxa egendattoshsha gargaartaan.