Daaꞌwute Seeriki Laꞌoonfati

Hordofeessi Yaꞌiqoobi Maxaafa Qullichcha giddixxa ayyunte noꞌoxxa leellishshaaxxe daaꞌwuten fakkeesseen. (Yaq. 1:22-25) Maxaafa Qullichcha daaꞌwutetishsha seeriki laꞌoonfata dandeennannoki hittate?

Xexxeꞌachchoti yaansis. Muddammaꞌni ifi daaꞌwuteteꞌni uundaannole, leellaꞌneega xure hubantabeꞌnoxxi hexxaan. Giddixxa ayyunte noꞌoxxa uudate hubachcho hasissaammaxxeꞌe, xexxeꞌachcho Qaale Mageniinxa yaansisa eloxxen.

Weliinbaa uudati irra, ifibaa uudi. Toggi assine abideebaaxxi daaꞌwute wele manjoꞌni hedheeka xure leellishshaaxxi hexxaan. Weli fakkaattaanxa, heqqedha gonphonole, dedha weli manjinka uudateꞌe Maxaafa Qullichcha laꞌoonfattannoxxi hexxaan. Kaddomaleꞌe tinni yaane dedha ifika egenne toggi asseꞌnannoshsha gargaartabaan.

Miketixxa Hedino affeeteke kadi. Daaꞌwute leellishaake xure ifikeꞌni calla miꞌlachcho assinaannole adde wonxannoxxi hexxaan. Maxaafa Qullichcha yaansisanno wodda Yihowwa noꞌonaaꞌni heqqaꞌneexxe yaane iimi darre ifinaaꞌni heqqa gophatee ifiꞌaanni miketixxa uushsho anfeenneke kada hasissaan.— Yaq. 3:17.