Maxaafi Qullichchiinki Raagi Fakketi Sammoteꞌni Leellaashsha Asse

Maxaafi Qullichchi eloxxa laꞌo alfinannoka heddo raaguwwa afeen. Maxaafi Qullichchiinki raagi fakketi sammo noꞌoxxeꞌni leellaashsha assinaannole, elo qicinni gargadhdhinannon, ittan yaansinsaannexxe yaanenaaꞌni caaldeexxa laꞌo alfinannon. Maxaafi Qullichchiinki raagi fakketi sammoteꞌni leellaashsha gargaaraaka mitte mitte oruwwa uundo.

• Hafuura laqissinaꞌni yaansisse. Hafuura laqissaꞌni yaansisa, Maxaafi Qullichchiinki raagi sammotibaꞌa fakketi dagaashshanna raagi caꞌa hiyyee garinni aagaashsha gargaartaan. Maateti mitteba Maxaafa Qullichcha yaansissinaa wodda, mitti mittin manji yaansissinaꞌneeke raagi giddo kulemeeka manna tukkeesse yaansisaashsha assa dandeettinaan.

• Kaddeexxa yaane fakketi sammotibaa idagge. Raagakeꞌni kulemeeke mannika yaadanna insaꞌneꞌni laqendeexxa yaane gargadhdhateꞌe woꞌlaaꞌne. Fakkeennakeꞌe, ifi iitta hitine qora dandeettinaan: ‘Raagakeꞌni kulemeeki manji iitta haasoꞌeeki yookiin iitta asseeki mayeete? Ani konne jeejaꞌni hedheennele hitta hedanna yookiin maachchi aneꞌni laqemammaꞌa?’

• Fakke fakkeesse. Matanga fakke fakkeessati dandeette afa gonphonnolenna, Maxaafa Qullichchakeꞌni kulemeeka raaga fakke fakkeessa, raagi fakketi sammotibaa dagaashshanna raagakeꞌni kaddeexxa yaane qallinannoshsha gargaartaan.