Ediꞌa hexxexxi yanna ateꞌn maa kaddachcho fakkaattaꞌne?
Buttatiki jeeji edia . . .
taꞌa hedheeshan hedhaa?
yoꞌaꞌn meꞌaa?
moo elaꞌn meꞌa?
MAXAAFI QULLICHCHI MAA HIYYA?
“Magen . . . Ille insaꞌneexxenaaꞌn indiddo fiyaan. Konneechchin udumiꞌa reyotinna hexxabaan. Yaadonna kadde raare ittan wixxixxi konneechchin udumiꞌa hexxabaan. Edo hexxemmaxxi yaanuwwa saxxeꞌen.—Leellisha Yohaanisixxa 21:3, 4.
TENNEꞌE EGEꞌNA ATIꞌA MAA LAꞌO AFFEꞌE?
Gammachchissaaxxanna laꞌo affeexxa huje alffittaton.—Isayaassi 65:21-23.
Hiinn dhibonna ittan rakko hexxabaan.—Isayaassi 25:8; 33:24.
Mini hadininna kaddo jaaluwwiki gammaddaꞌn baro baro hexxatton.—Faaro 37:11, 29.
MAXAAFI QULLICHCHI HIYYAAKE YAADAꞌN ADDATA DANDEENNANO?
Eeti, lame buutuwwa uundo.
Magen kako ageexxa yaane muuxattixxa dandeete afeen. Maxaafi qullichchi Magen Yihowwan calli duuchchininxxa dandeeꞌaxxa haasoꞌaan. Tennexxe isi gabala beloxxa hunna afeꞌeen. (Leellisha Yohaanisixxa 15:3) Kako ageexxa muuxattixxa dandeete afemmaxxeꞌe butta tenee eloxxibaa jijjiira dandeꞌaan. Buutotinna maxaafi hiyyaꞌneeshan “Magenokeꞌn duuchchininxxi dandeessissaan.”—Matoossi 19:26.
Magen kako ageexxa muuxatee halcha afeen. Fakkeennake, Yihowwa reyeeke manniꞌa hedho hiisse uwwateꞌe yorite afeꞌen.—Iyoob 14:14, 15.
Maxaafi Mageninki belt Yesuusi ela gophpheꞌeka manna fayyiseexxa haasoꞌaan. Tenne asseꞌeki gargaara eyyammaxxeten. (Marqoosi 1:40, 41) Anninshan issinna manjo gargaarati annixxa ayyunte calalasseꞌen.—Yohaanisi 14:9.
Tenneꞌa Yihowwanna Yesuusi ediꞌa gammachchissaaxxa hedho alffinonaꞌa gargaarate eenaꞌneexxi kokeesendeexxen.—Faaro 72:12-14; 145:16; 2 Phexxiroossi 3:9.
HEDI MEEN
Magen butta tenne eloxxibaꞌa jijjiiraꞌneeki hitta assete?
Konne qortumiki hissiichchi, MATOOSI 6:9, 10 ittan DANIꞌEELI 2:44keꞌn afemaan.