Qoꞌnissettexxa Yaane Welekee Kuli

Qoꞌnetixxi yanna yoꞌoshsha gammachchiissaan, kaddomaleꞌe irran caala gammandannoki qoꞌninse alfinennexxa jajjabeessitaaxxa yaane welekeenna kullanno woddaten. Fakkeenna 11:25 keꞌni: “Wele dheebo fulchaaki isinna dheebo fulaan” hiyyendeen.

Barantennexxa yaane welekee kullanno wodda ettenee yaane sholla qicinni qalliyyanna hubanno noꞌoxxa jabeessedha dandeennannon. Ittan barantennexxa yaane welekeꞌe kula laꞌo affammaxxeꞌe, qoꞌninsennexxa yaane welekeꞌe kula gammachchiissaan.—Huj. 20:35.

Tennee yaane woꞌlaan: Daggaaxxe torbaꞌni barattettexxa yaane welekeꞌe kuldattoxxa futtii halsi. Mini hadoꞌni, gubaꞌe giddo hedheeke manjoꞌni, atinni welti hujaꞌneekenna barataꞌneeke manjoꞌni, ollaꞌakee yookiini ergatenshateꞌni hexxe afendattoke manjoꞌni kula dandeettatton. Kuldattoxxa yaane ifixxe hiyyanni shollakenna aagaake orinni ifisateꞌe woꞌlaan.

Qalliyyi: Barattettexxa yaane welekee kuldaatteki, jajjabeessateete maleꞌe insaꞌne atee saandoꞌaatebaan.—1 Qo. 8:1.