Hedhotixxa Baranno

Duuchchiniinge manjiꞌa mararte leellisha

Mitte Niwu Zerilaande afendaaxxi dayyo mitte barra “Weliꞌaan wel hedde” hitaꞌneexxa viidiyo uuddeen, viidiyotinna Yihowwa mararte afancalla kaddebaangi mararte hitta leellishaꞌneexxa ifisaꞌneexxemman. (Isa. 63:7-9) Isenna wele gargaarat baratteexxa hujeteꞌn hosisateꞌe murte assexxeen. Eetene barra uduma suuqe mariteexxi mitte mine gophphe gadho galdaꞌneexxe manjichchoni afendeexxi sagale iseꞌa hirateꞌe ise qorteen. Manjichchotinna fedhiitixxe kaddeen. Sagale hirte ille iima higgaꞌn Rakko Hexxabaaxxi Yanna Daggaa? Hitaꞌneexxa tiraakite laꞌonfatteꞌe harumaa qicin iseꞌa kuldeen.

Manjichchotinna illetenaaꞌn indiddo wocci wocci assitaꞌn, konneechchi edi darre Yihowwaxxe Naqaashe kaddeemmaxxanna dhugaatike minenaaꞌn fuldeexxini turteexxa haasootteen. Isenna shiqaxxe yannaꞌn Yihowwa isibaꞌa higgaashsha gargaaroꞌa kadhatteemman. Dayyotinna maxaafa iseꞌa uuteen ittan barantaaxxa barranna abixxineen.a

Noꞌonna manjo duuchchiꞌa ittan noꞌonni shiqaakeꞌenna bukkiiti giddo afemaake dayyuwwaanna dayyuwwateꞌe mararte leellishati Yihowwa fakkaata dandeenannon. Mararte leellinshennexxe qixxeꞌn dhugaꞌa kulatixxa futtiꞌi alfa dandeenannon.