Tennee Egendeetta?

Tophphiinki middisi Filiphoosi isibaꞌa shiqeemmaxxa yanna ofoꞌleemmaki sarageelli hitta hedheekemma?

KEꞌITINKE laagadaꞌn “sarageella” hiyyendeexxi hiyya, Haaroxxe Buttaxxe Tikaꞌn gargariti hedheeka sarageella ifissaaxxen. (Huje 8:28, 29, 38) Kunni Tophphiinke bogiki manjichchi, giddo hedheemmaki sarageelli, shiixxooke sannachchiinke yookiin hokkokkeeteꞌe laꞌoonfantaamake sarageellanaaꞌn saꞌachcho fakkataꞌneen. Iitta hinannoshsha assitaaxxa mitte mitte buutuwwa uundo.

Kunni qeerraaka boga meꞌaammaki Tophphiinke bogiki manji, lumoxxa baalle afeemmaken. Isinna “Tophphiinxe mootitteke Hindeekeke baallanjonna maallaqi iseke duuchchike sooreessamman.” (Huje 8:27) Qarixxe yannaki Tophphi, taꞌixxe yannaꞌn Suudanete hiyyemmake boganna Gibtse bitaꞌi darreꞌn afeemake bogan. Kunni manji konneꞌe qeerraake mariꞌa hasissaaxxa yaane borsiki abixxa hasissaammaxxe, mitti iimi darre hedheeka sarageella laꞌonfata gopheebaan. Keꞌitinke dhibbesso baroꞌn manni mitte bakkanaaꞌn wele bakkabaꞌa mammaremateꞌe shoole mole afeeka, iimiꞌn buqemeeka sarageella laꞌoonfantaamman, “Iitta hedheeki sarageelli miya abideeka borsa uggudhateennaa offoꞌlatee elaakenna ora haruunsaake kada dandeꞌaan,” iitta hiyyeen Ergantooletixxe Hujeki—Ekisjeetikaal Koomentaar hiyyemaki maxaafi.

Kunni Tophphiinke bogiki manji, Filiphoosi isibaꞌa shiqa wodda yaansisateꞌn hedhemman. Raagi iitta hiyyaan “Filiphoosi sarageellinxa duuka gongaꞌn [middisi], wabeekkichcho Isayaasika maxaafa hafuura qeerrise yaansisaaꞌnaꞌa laqeen.” (Huje 8:30) Saragellinna okkone qico fiige meꞌaashsha giisineemakebaan. Sarageelli kunni adda fiiga gophatenaaꞌn kexxexxa, middisi maxaafa yaansisashshanna Filiphoosinna lekkati gongaꞌninni dhaqqabaashsha assiteen.

Kunni Tophphiinke bogiki manji “Filiphoosi sarageellakeꞌn daꞌme isinni welt ofoꞌlaashsha kadhateen.” (Huje 8:31) Hokkokketika sarageella oonfaaki uurineeten. Kaddomaleꞌe, kunni ora meꞌatiki sarageelli middisinna Filiphoosi ofollaaxxa bakka afeemmaken.

Huje hafuura adhdha saddeettinna buttatike raagixxe hundaayyeshshan, shiqoxxe yannaꞌn fuldeexxi borruwwa noꞌoxxinna, Tophphiinki middisi ofoꞌleemmaki sarageelli, shiixxoke sannachchiinke sarageellinaaꞌninna hokkokketeꞌe laꞌoonfantammake sarageellinaaꞌn saꞌaxxa ifisseen.