Qalli Hitaate?

Tenne woggaxxe Heqqecatixxe Xellephoꞌni hedheeka yaada adda yaansisseette? Eloxxen, buttiiꞌni hedheeke qortumuwwiꞌaa hiissichcho hiissa dandeettattoxxa uudi:

Yihowwa dubarte abindanno qico fakkeenna leellisheeki hittate?

Isi dubarte gamisa belo abidaan, labballokenaaꞌninna jala heꞌneeshsha asse uudabaan. Mageni kadha insaꞌnexxa laqaan, yaada insaꞌnekanna insaꞌnee yaadissaꞌneexxa yaanenna egeꞌnatee hasaꞌneen. Ittan isi insaꞌnee addataammaxxee huje isixxa hunjaashshanna maganne uwween.—w24.01, qoola 15-16.

Effesooni 5:7 keꞌni, “konne manninni jaaloondinoqqe” hiyyaꞌneeka gorsa hujeteꞌni hosinsannoki hittate?

Hawaarya Phawuloosi Mageniinka seera hordonfabeꞌnoshsha gufo kadaake manninni jaaloommabeꞌnoshsha xexxeꞌachchiiseen. Kunni gufo kadaaki manni mitteba afemmeꞌe yanna saꞌisinannokenna ardiinke miidiyinni afemmannoke jaaluwwan.—w24.03, qoola 22-23.

Heene dhariinxe oduwwanaaꞌni ifi heqqedha hasissa?

Noꞌaa hedaꞌneeke jaaluwwi darreeꞌni daggaaxxe kokeessendebaaxxe oduwwanaaꞌni, egennebeꞌnoki manni ergaaxxe iimeeluwwanaaꞌninna dhugaa eetaꞌneeshsha fakkeessite shiqqaaxxe waakkatooleeyyenaaꞌni bayyata hasissaan.—w24.04, qoola 12.

Yihowwa Mootichcha Solomoonii, ittan Sodoominna Gomora baꞌnetike wodiꞌinni baꞌeemmake mannaꞌni, murteessaaki hittate kaddeexxa egenneennexxinna egennebeꞌnoxxi yaane maachcho?

Yihowwa kunni manni baro barokee baꞌe gataashsha murteesseexxa egennebeꞌnon. Kaddomaleꞌe, isi duuchchiinxa yaane egeꞌneexxanna lumoxxa mararte afeeke Mageno kadeexxa egenneennen.—w24.05, qoola 3-4.

Mageni “Rassa” kada heene yaane noꞌaa kokeesita? (Zedag. 32:4)

Yihowwaa golla noꞌoke assedha dandeennannon. Isi addatemeeken, kako ageexxa yaane duuchchinii wodda heqqedhaan. Ittanni isi jijjiiremaakebaan, ayyunte isixxinna herregi isiki haanonna jijjiiremabaan.—w24.06, qoola 26-28.

Haarooxxa gubaꞌe baratattoshsha atee gargaartaaxxi yaane maachcho?

Yihowwaꞌni addati, isi qarixxa ergantooleeyye isixxa gargaareemmashshanni ateenna gargaaraan. Haarooxxa gubaꞌe edo hexxettaxxinni hokkokisiissoxxeꞌe. Haarooxxi gubaꞌe hujjaaxxa huje kiphi, ittan haarooka jaaluwwa alfatee woꞌlaan.—w24.07, qoola 26-28.

Matwoosi hafuura 25 keꞌni hedheeki sasi fakkeenni maa barsiisa?

Gedhebiinkinna reꞌetiki fakkeenni addatemmeenneke kada hasissaaxxa leellishaan. Qaroontiyyenna gowwooleeyye duuddo dubartetiki fakkeenni qophpheeffantenna dammanqe heqqedha hasissaaxxa leellishaan. Ittan taalaantetiki fakkeenni jabaate hujanna bebbeda kada affeexxa laꞌo caꞌa asseꞌe kulaan.—w24.09, qoola 20-24.

Solomoon ijaareemmake mageneeffachchotike minixxi barandixxi hojja hitteexxemma?

Mitte mitte qarixxi borruwwa 2 Zeena 3:4, barandiinxi hojja “120 ciqile,” yookiin 53 meetiren hitaan. Kaddomaleꞌe wele addatendeexxi qullitte borruwwa “20 ciqile,” yookiin sallane meetire hitaan. Kunni laakkoossi mageneeffachchotike minixxee gimoke furdinninni welti qixxoomaachcho fakkaataꞌneen.—w24.10, qoola 31.

Mitti gubaꞌetiki ergatanji ‘mitte miniinxa ama afa hasissaan’ hiyyo maa hiyyote? (1 Ximo. 3:12)

Iitta hiyyonna mitte miniinxa ama calla afeekenna saliinxa baalagunte muuxabaaken hiyyoten. Ittan lebendaaxxa, wele dubarteꞌaa siri beloxxa miꞌlachcho uwwa hasissabaan.—w24.11, qoola 19.

Yohaannisi 6:53 keꞌni hedheeki yaadi haasoꞌaꞌneeki Goottiinka Hirbaata uuddaaxxebaan hinaanneki mayeete?

Yohaannisi 6:53 keꞌni hedheeki yaadi, Yesuusika maala itanna munde isixxa haꞌwa hasissaaxxa haasoꞌaan. Yesuusi 32 G,Wꞌni Geliila hedhemma wodda konnee yaada haasoꞌeeki, isoꞌni addata hasissaammake Ayhuudootaaten. Kaddomaleꞌe, Yesuusi Goottiinka Hirbaata hundeesseeki wogga mitte uduma Geliilate kaddebaangi Iyyerusaalemiten. Yesuusi tenne bakkaꞌn haasoꞌeeki, isinni welti iimateꞌni galchaake manniꞌaaten.—w24.12, qoola 10-11.