Qalbe Qophpheessedhdhe

Maxaafa Qullichcha qoꞌninsanno wodda Yihowwaxxi hedino qalbe noꞌoxxa yookiin giddixxa ayyunte noꞌoxxa jejjiiritaa hansaannen. Izira ‘Yihowwaka seera qoꞌnisatee qalbe isixxa kophpheessedhee gari’ noꞌaa eloke fakkeenna kadaan. (Izr. 7:10) Qalbe noꞌoxxa qophpheesseꞌnannoki hittate?

Kadhatte. Qoꞌne saffinaaxxa yanna duuchcha kadhatte. Barattineexxa yaane gargaadhitinaashshanna hujeteꞌni hosissinaashsha, Yihowwa gargaaroꞌaa kadhatte.—Far. 119:18, 34.

Ifi heeshshi assatika adaba nossedhdhe. Mageni beekkuma ifikeꞌn addataake mannanaaꞌn dhugaa shoꞌeen. (Luq. 10:21) Weli manni egeꞌna haꞌnooxxa saadoꞌaa hitine qoꞌne assitinoqqe. Hedino haꞌnooxxi Mageniinxinni qixxoottabaa wodda ifi heeshshi assati, hedino haꞌnooxxa toggi assedhdhe.

Mootummatixxa faaro laqatee woꞌlaanne. Muuziqi qalbe noꞌoxxa haasoossati, mageneeffachchotee qophpheessatixxa hunna afeen. Qoꞌne assitinaaxxa yanna mootummatixxa faaro caqasa qalbe haꞌnooxxa qophpheessedhatee gargaara dandeettaan.