Barra barrandeꞌni Maxaafa Qullichcha Yaansissattoshsha Gargaartaaxxa Yaanuwwa

Huje ateꞌni bira saꞌatenaaꞌni kexxeexxa, Mageniinxa Qaale bara barandeꞌni yaansisateꞌe fulchexxeetteka prograama haqedha ateꞌni haꞌurtaꞌne? (Iya. 1:8) Iittate kaddoole, konnee yaaduwwa woꞌlaan:

• Bara barandeꞌni qalli assitaaxxa yaane uggi. Bilbla atikeꞌni Maxaafa Qullichcha yaansisatee fulchexxeetteka prograama qalli assitaashsha alarme wonshi.

• Maxaafa Qullichcha uuddattoxxe bakkaꞌni uggi. Yaansissaatteki Maxaafi Qullichchi woraqatiki maxxansemeeke kaddoole, duuchchinii wodda sholla qicinni uuddattoxxe bakkaꞌni uggi.—Zed. 11:18.

• Oodiyo caqasi. Mitte mitte huje hujjatto wodda hafuuriki ikkilemeeka Maxaafa Qullichcha caqasi. Qajeellisanjonna hashshika faraqa huje hujjaꞌneexxi, ittan oosetixxe ama kaddeexxi Taara, “Mini giddixxa huje hujaꞌni hafuurki ikkilemeeka Maxaafa Qullichcha caqasa bara barandeꞌni Maxaafa Qullichcha yaansisannoshsha anee gargaarteen” hiteen.

• Woꞌlaana waaldinoqqeꞌe. Maxaafa Qullichcha yaansissaatteke prograamixxa yanna heddebexxoxxi yaane futti hitoole, diiphphebexxo eddi darre heenoxxa xiqse yaansis. Matanga bara barandeꞌni yaansissaatteki heenoke laakkossuwwanna kaddoole laꞌo alfitatton.—1 Ph. 2:2.