Ţţarra ddehn-ik ɣer wiyaḍ

Lemtel i ɣ-d-yeǧǧa Ɛisa

BIDYU: Ɛisa akk-d tmeṭṭut-nni tasamarit

1. Wali BIDYU-YAGI neɣ ɣer-ed Yuḥenna 4:6-9. Mbeɛd, xemmem ɣef yesteqsiyen i d-iţeddun.

1. Ɣer wacu i gerra ddehn-is Ɛisa uqbel akk ad yebdu lhedṛa ţ-ţmeṭṭut-nni tasamarit?

2. Ɛisa yenna-yas: “Efk-iyi ad sweɣ.” Ayɣer i gelha wamek akka i gebda Ɛisa lhedṛa?

Ayen i d-nelmed sɣur Ɛisa

2. Iwakken aţ-ţebduḍ lhedṛa d walbeɛḍ yerna a k-d-iḥess, hdeṛ-as ɣef wayen ara s-iɛeǧben.

Ɛaned Ɛisa

3. Ili-k tweǧdeḍ aţ-ţbeddleḍ ayen ara d-tiniḍ. Xas theggaḍ-d ayen ara d-tiniḍ, tzemreḍ aţ-ţhedṛeḍ ɣef wayen nniḍen ma yewwi-d lḥal. Hdeṛ ɣef wayen i gceɣben lɣaci di teswiɛt-nni. Steqsi iman-ik:

1. “Ɣef wacu i d-heddṛen ussan-agi di lexbaṛat?”

2. “Ɣef wacu i heddṛen lǧiran-iw, wid ukud i xeddmeɣ neɣ wid ukud i qqareɣ?”

4. Ţţarra ddehn-ik. Steqsi iman-ik:

1. “D acu i la ixeddem win umi i bɣiɣ ad hedṛeɣ? Ɣer wacu ahat i geţxemmim?”

2. “Amek i tezmer a yi-tɛiwen llebsa-s neɣ ayen yellan deg wexxam-is bac ad ɛeqleɣ ayen is i geţţamen neɣ ayen i gḥemmel?”

3. “Isuɛed-it lawan-nni ideg i d-usiɣ ɣur-es?”

5. Ssemḥess.

1. Ur heddeṛ ara aṭas.

2. Ḍleb i win ukud i theddṛeḍ a k-d-yefk ṛṛay-is. Efk-as isteqsiyen i gwulmen.