TIMERZIWT
Marqus 6:30-34
TIMEƔRI 9
Ţţarra iman-ik deg wemkan n wiyaḍ
Amenzay: “Feṛṛḥet d wid ifeṛḥen, ţrut d wid yeţrun” (Iṛum. 12:15).
Lemtel i ɣ-d-yeǧǧa Ɛisa
1. Wali BIDYU-YAGI neɣ ɣer-ed Marqus 6:30-34. Mbeɛd, xemmem ɣef yesteqsiyen i d-iţeddun.
Ɛisa d yemceggɛen-is ḥwaǧen ad ḍerrfen (ɛezlen) iman-nsen. Ayɣer?
Acuɣer i gesselmed Ɛisa lɣaci?
Ayen i d-nelmed sɣur Ɛisa
2. Ţţarra iman-ik deg wemkan n wiyaḍ. Ma txeddmeḍ akkagi, a d-tbeggneḍ belli teţţakeḍ azal i lɣaci, mačči kan i wayen i d-teqqareḍ.
Ɛaned Ɛisa
3. Ţḥessis. Anef i win umi i teţberriḥeḍ ad yehdeṛ yerna ur s-gezzem ara awal. M’ara d-iheddeṛ ɣef yiman-is neɣ ɣef wayen i geţḥussu, a s-yeɛǧeb lḥal ma tbeggneḍ-as-d belli tefkiḍ lqima i wayen i d-yeqqar.
4. Xemmem ɣef liḥala-s. Xemmem ɣef wayen akk i thedṛem uqbel, tmeyyzeḍ ɣef yesteqsiyen-agi:
“Ayɣer i geḥwaǧ ad yissin tideţ?”
“Lukan ad iɣer Adlis Iqedsen, amek i gezmer ad ibeddel wayagi tamɛict-is ass-a d uzekka?”
5. Heddeṛ-as ɣef wayen i geḥwaǧ d wayen ara t-iɛiwnen. Akken kan ara k-teţţunefk tegniţ, ssken-as i win umi i teţberriḥeḍ belli ad yaf di tɣuri n Wedlis Iqedsen leǧwab ɣef yesteqsiyen-is akk-d lewṣayat ara t-iṣelḥen.