MAHKAWN 75
Ngai Hpe Shangun Dat Rit!
(Esaia 6:8)
1. Karai a chyoi pra ai mying hpe
Masha ni jahpoi asawng nga.
“Karai n nga ai” shanhte tsun,
Zingri ai wa ngu nkau tsun.
Kadai Yehowa a mying hpe
Chyoi pra hkra shakawn shagrau na?
(CHORUS 1)
Ngai nga nngai, shangun dat rit.
Sadi dung let shakawn nga na.
Dai hta grau ai amu n nga sai.
Ngai nga ai, shangun dat rit.
2. Karai hpe lanyan ai ngu tsun,
Hkrit hkungga ai lam mung n nga.
Nkau gawngngu sumla nawku,
Kaga hpara ni hpe nawku.
Nhkru ai ni hpa byin na lam
Kadai sadi jaw tsun shana?
(CHORUS 2)
Ngai nga nngai, shangun dat rit.
Marai rawng let sadi jaw na.
Dai hta grau ai amu n nga sai.
Ngai nga ai, shangun dat rit.
3. Nhkru ai lam law ai majaw
Myit nem ai ni pu ba, myit yawn.
Dinghpring ai ni teng man lam hte
Ngwi pyaw simsa ai lam mu tam.
Dingman ai masha hpe kadai
Karum shalan shabran ya na?
(CHORUS 3)
Ngai nga nngai, shangun dat rit.
Myit galu let sharin ya na.
Dai hta grau ai amu n nga sai.
Ngai nga ai, shangun dat rit.
(Shk 10:4; Eze 9:4 ni hpe mung yu u.)