Chyum Laika Hkaja Lamang Hta Akyu Hpring Tup Lu Hkra Galaw Mai Na Lam
Sara langai hte arau hkaja u: Ndai laika buk jaw ai wa hpe karum hpyi u, (sh) anhte a website re ai jw.org hta shang na hpyi shawn u.
Shawng Daw
Laika pang langai hpra hpe hti u. Madung lam hpe dan dawng shangun ai ga san ni (A) hte Chyum daw ni (B) hpe hti u. Chyum daw nkau hpe “hti u” ngu na masat da ya ai.
Ka-ang Daw
Kahtap Hkaja (C) ngu ai npu hta matut bawngban na lam ni hpe tsun da ai. Ga baw kaji (D) gaw madung lam hpe tsun dan da ai. (E) Chyum daw ni hpe hti u. Ga san ni hpe htai u. Video ni hpe yu u.
Sumla ni (F) hpe bawngban nna, Nkau Mi Tsun Ai (G) hpe nang gara hku htai na hpe myit yu u.
Jahtum Daw
Kadun Dawk hte Bai Maram (H) nna sumhpa hpe shangut da ai. Hkaja ngut ai nhtoi hpe ka matsing u. Bandung (I) ngu ai shara hta nang galaw na lama ma hpe ka mai ai. Sawk Sagawn (J) ngu ai daw hta kahtap hti mayu na, yu mayu na lam ni lawm ai.
Chyum daw ni hpe yu na matu
Chyum daw ni hpe, Chyum Laika buk (A), daw kaba (B), daw kaji (C) ni hku nna madun da ai . Ga shadawn, Yawhan 17:3 ngu tsun yang, Yawhan laika, daw kaba 17, kaji 3 hpe tsun ai re.