Myit Nem Nga U

Npawt Tara: “Myit nem nga let, . . . manang wa hpe shagrau shaa nga mu.”—Hpl 2:3.

Pawlu Galaw Wa Ai Lam

Sin langa hte rau hpri sin-yu hte gyit da hkrum ai kasa Pawlu gaw Hkawhkam Agripa, munggyi Hpestu, Bernike ni hpe hkungga let ga shaga nga.

VIDEO: Hkawhkam Agripa Hpe Pawlu Hkaw Tsun

1. VIDEO hpe yu u, shing nrai Kasa 26:2, 3 hpe hti u. Lawu na ga san ni hpe myit yu u:

Pawlu gaw Hkawhkam Agripa hte shaga ai shaloi, myit nem ai lam gara hku madun ai kun?
Tinang hpe n re ai sha, Yehowa hte Chyum Laika hpe myit maju jung wa hkra Pawlu hpa galaw wa ai kun?—Kasa 26:22, 23 hpe yu u.

Pawlu Kaw Na Hpa Sharin La Mai Ai Kun?

2. Myit nem let hkungga ai hku hkaw tsun ai shaloi masha ni grau madat mayu ai.

Pawlu Hpe Kasi La U

3. Hkungga ai hku tsun u. Tinang sha yawng chye ai, kaga ni gaw hpa n chye ai zawn hkum galaw.

4. Nang tsun ai lam ni gaw Chyum Laika kaw na re ai hpe chye shangun u. Chyum Laika gaw masha ni a myit masin hpe hkra ya lu ai. Dai majaw, Chyum Laika lang ai gaw, ngang ai npawt ntsa shanhte a makam masham hpe gaw gap ya nga ai re.

5. Sumnung u. Tinang jaw ai hpe atik anang sanglang dan ai baw hkum galaw. Anhte n kam dangrang hkat ai. Myit azim sha tawn u. Gara aten hta bai pru wa ra na hpe chye u. Dai hku nna, myit nem ai lam madun u. (Gsh 17:14; Tit 3:2) Sumnung ai hku bai htang ai nga yang, hpang de atsawm shaga yang shaga lu na re.

NDAI NI HPE MUNG YU U

Rom 12:16-18; 1 Ko 8:1; 2 Ko 3:5