“Myit Dum Poi A Matu Shajin Nga Ai Kun?”
Aten gaw A.D 33, Nisan 13 ya shani re. Yesu gaw shi nsat hkrum shi ai shaloi, sape ni hte hpang jahtum hku nna shana shat sha poi galaw ra na hpe chye ai. Yesu gaw, shanhte hte rau hpang jahtum Shalai Wa Ai Poi hpe galaw ngut ai shaloi, Madu A Shana Shat Sha Poi hpe galaw hpang wa ai. Grai ahkyak ai ndai poi a matu, tau hkrau shajin ra na re. Dai majaw, ra ai ni hpe shajin na matu, Petru yan Yawhan hpe shangun dat ai. (Luk. 22:7-13) Dai aten kaw nna, Myit Dum Poi hpe shaning shagu galaw mayu ai Hkristan ni gaw, dai Poi a matu, shajin ai lam ni galaw ra na re. (Luk. 22:19) April 3 ya shani hta galaw na Myit Dum Poi a matu, hpa ni hpe madung tawn shajin ra ai kun?
Hkaw Tsun Masha Ni Shajin Ra Na Daw:
Myit Dum Poi saw shaga campaign hta, atsawm shang lawm lu hkra shajin da u.
Chyum Ga sharin ni, jinghku ni, jawng manang ni, bungli manang ni hte kaga tinang chye ai ni hpe jahpan galaw nna, saw shaga u.
Myit Dum Poi a matu, Chyum Laika hti lam hpe hti nna sumru u.
Myit Dum Poi shani hta, manam ni hpe tau na matu, jau jau du nga u.