Ga Shaga Hpang Lu Hkra​—“Chyum Laika Kaw Na Chye Lu Ai Ni” Laika Buk Hpe Jailang U

1. Hkaw tsun bungli a matu gara laika buk nnan hpe lu da ai kun?

¹ 2014, Karai Kasang A Mungdan Hpe Shawng Tam Nga U! ginwang zuphpawng hta, “Chyum Laika Kaw Na Chye Lu Ai Ni” laika buk hpe shapraw wa ai. Dai hpe hkaw tsun bungli a matu shajin ai shaloi gara hku jailang mai a ta? Sawn Dinglik laika buk zawn, dai hta mung lam amyu myu hte seng ai Chyum daw ni lawm ai. Dai majaw, dai hpe jailang nna aloi sha shaga hpang mai ai.

2. “Chyum Laika Kaw Na Chye Lu Ai Ni” laika buk hpe, hkaw tsun bungli hta gara hku jailang mai na kun?

² Ga san 8 hpe jailang nna, ndai hku san mai ai: “‘Masha ni jamjau hkrum nga ai gaw Karai Kasang a majaw kun?’ ngu ai ga san hpe, masha law law chye mayu ma ai. [Lawk nkau hta ga san hpe laika buk kaw nna, madun dan ai gaw grau tang du ai.] Nang mung chye mayu ai kun? [Mahtai la u.] Dai ga san a ma­htai hpe Chyum Laika hta asan sha htai da ai.” Madun da ai Chyum daw la­ngai, la­hkawng hpe Chyum Laika kaw na, hti nna bawngban u. Nta madu myit lawm yang, Chyum Laika Kaw Na Chye Lu Ai Ni laika buk hta lawm ai ga san 20 hpe madun nna, bai kawan lam hta bawngban mai hkra, lata sha­ngun u. Shing nrai, nang tsun dan ai lam lawm ai kaga laika langai ngai hpe jaw mai ai.

3. Hkristan nre ai ni hte shaga hpang na matu, “Chyum Laika Kaw Na Chye Lu Ai Ni” laika buk hpe gara hku jailang mai a ta?

³ Ga san 4 hte 13-17 hpe jailang nna, Hkristan nre ai ni hpe tang du hkra hkaw tsun mai ai. Ga shadawn, ga san 17 hta lawm ai Chyum daw ni hpe jailang nna, ndai hku tsun mai ai: “Dai ni, kun dinghku ni gaw manghkang amyu myu hkrum nga ai, n re i?” [Mahtai la u.] Ndai hpaji jaw ai Chyum ga ni gaw, ding­hku la, num law law a matu, akyu nga wa ai. “Madu jan mung tinang a madu wa hpe hkrit hkungga nga u ga” [Ndai gaw Ehpesu 5:33 kaw na re ai hpe tsun dan nra ai. Lama na numsha rai yang, Ehpesu 5:28 hpe hti u.] Ndai hpaji jaw ga hpe hkan nang yang, ding­hku ngwi pyaw na nrai ni?

4. Hkristan nre ai ni hte shaga ngut maw ai sha­loi hpa galaw mai a ta?

⁴ Ga shaga ngut maw ai shaloi, bai sa yang, bawngban mai na matu, atsawm lajang u. Nang tsun wa ai ga san lawu hta lawm ai, Chyum daw langai hpe bawngban na matu, lajang mai ai. Nta madu a masa hpe yu nna, ndai hpaji rawng ai ga ni gaw, Chyum ga ni re ai hpe tsun dan u. Bawngban wa ai lam ni hte Chyum Laika ntsa shi a ningmu hpe, maram nna shi ra na laika langai ngai hpe garan u.​—2013, December, Anhte A Mungdan Magam lapran na laika hpe yu u.