Hkaw Tsun Bungli Hta Grau Kaja Hkra Galaw Ai Lam​—‘Karai Kasang A N-gaw Nwai Ai Myit Hta Anga Nga U’ Ngu Ai Laika Buk Hte Myit Masin De Du Hkra Sharin Ya U

Hpa Majaw Ahkyak: Yehowa ra sharawng ai nawku daw jau lam byin na matu, shi a tara ni hpe sharin la nna hkan sa ra ai. (Esa. 2:3, 4) “N-gaw Nwai Ai Myit” laika buk gaw nambat lahkawng sharin ya ai laika buk rai nna, Chyum ga sharin a prat hta Karai a tara ni hpe gara hku hkan sa mai ai lam chye hkra karum ya ai. (Heb. 5:14) Shanhte a myit masin de du hkra anhte shakut nna sharin ya na nga yang, galai shai ra ai ni hpe galai shai lu hkra shanhte hpe shadut ya na re.​—⁠Rom. 6:17.

Galaw Mai Ai Lam:

• Chyum ga sharin a ra rawng ai lam hpe tau hkrau myit nna atsawm sha hkyen lajang u. Hkaja nga ai lam hte seng nna, shi a hkam sha lam hte myit mang ai lam hpe chye hkra, atsawm shajin da ai ga san ni gaw nang hpe karum ya na re.​—⁠Ga Sha. 20:5; be 259

• Daw shagu hta lawm ai lawk ni hpe jailang nna, Chyum Laika npawt tara ni hpe hkan sa ai gaw, akyu nga ai hpe na a Chyum ga sharin chye na hkra karum ya u

• Chyum ga sharin hpe kaja n kaja chye ginhka ai myit hte seng ai lam ni hta sawn sumru chye hkra karum ya u. Raitim, shi a matu n mai dawdan ya ai.​—⁠Gal. 6:5

• Chyum Laika tara ni hpe shi hkan sa na matu naw ra yang, shi hpe hpaji rawng ai hku karum ya u. Yehowa hpe tsawra ai myit hte galai shai na matu tsawra myit hte n-gun jaw u.​—⁠Ga Sha. 27:11; Yaw. 14:31