“Ngai Nga Nga Nngai, Ngai Hpe Shangun Dat E”

Esaia a wenyi lam hta sharawng awng ai myit gaw kasi la hpa re. Masa hpe shi atsawm n chye tim, ra ai hte kalang ta galaw chye ai myit hte makam masham hpe madun wa ai. (Esa. 6:8) Grau ra ai shara de Mungdan kabu gara shiga hkaw tsun na matu saw shaga hkrum yang, na a masa ni hpe galai shai lu na kun? (Shk. 110:3) Dai hku htawt ai shaloi “hkrat ang ai jahpu” hpe sawn yu ra ai. (Luk. 14:27, 28) Gara hku mi raitim, hkaw tsun bungli hta sharawng awng let galaw mayu ai myit nga ra ai. (Mah. 8:20; Mar. 10:28-30) Grau Nna Ra Ai Shara Hta Htawt Nna Magam Gun ngu ai video hta anhte Yehowa a magam gun na matu asum hkam ai hta nna grau ai shaman chyeju ni lu na re ai lam dan dawng nga ai.

Video Yu Ngut Ai Hpang Ndai Ga San Ni Hpe Htai U:

• Ecuador mungdan hta Williams a nta masha ni yawng magam gun lu na matu, langai hpra gaw gara lam ni hpe asum hkam wa ai kun?

• Dai shara hta magam gun lu na matu gara lam ni hpe shanhte myit wa ai kun?

• Shanhte gara shaman chyeju ni lu wa ai kun?

• Grau ra ai shara hta magam gun lu na matu ra rawng ai lam matsun ni hpe gara shara hta tam mai a ta?

Dinghku Nawku Hta Ndai Ga San Ni Hpe Bawngban Yu U:

• Hkaw tsun bungli hta dinghku nawng grau nna gara hku shang lawm mai a ta? (km 8/11 4-6)

• Grau ra ai shara hta magam n lu gun yang, tinang a buga hta gara hku nna grau shang lawm lu na kun? (w16.03 3-5)