Hkristan Prat Hkrun lam

Hpan Madu A Ntsa Ngang Grin Ai Makam Masham Nga Wa Hkra Ma Ni Hpe Karum Ya U

Hpang da ai lam ni gaw, Yehowa a hpung shingkang hpe madun nga ai. (Shk. 19:1-4; 139:14) Raitim, Satan a mungkan gaw asak a npawt nhpang hte seng nna, Karai Kasang hpe n shakawn ai hteory ni hpe sha n-gun jaw nga ai. (Rom. 1:18-25) Ma ni a myit masin hte myit mang ai lam ni hta dai zawn lam ni ru n jung hkra gara hku karum ya lu na kun? Shanhte kaji ai aten kaw nna, Yehowa teng sha nga ai lam, shanhte langai hpra hpe mung lanu lahku nga ai lam hpe kam sham wa hkra karum ya u. (2 Kor. 10:4, 5; Ehp. 6:16) Jawng hta shanhte sharin la wa ai ni hte seng nna, myit masin hta hpa rawng ai ni hpe chye hkra galaw u. Lu mai ai hkingrai yawng hpe lang nna, myit masin de du hkra sharin ya u.—Ga Sha. 20:5; Yak. 1:19.

Kawa langai gaw shi a ma hpe hpan da ai lam sharin ya nga; jawng gawk hta yat yat kung hpan wa ai lam sharin ya nga; Ramma Ni Tsun Ai Ga—Karai Kasang Hpe Kam Sham Ai Lam

Ramma Ni Tsun Ai Ga—Karai Kasang Hpe Kam Sham Ai Lam, Ngu Ai Video Hpe Yu Ngut Ai Shaloi Ndai Ga San Ni Hpe Dinglik U:

Karai Kasang hpe kam sham ai hte seng nna masha ni hpa tsun ai kun?
Jawng hta hpa ni sharin ya ai kun?
Yehowa teng sha nga ai lam nang hpa majaw kam ai kun?
Yawng mayawng hpe Karai Kasang hpan da ai lam kaga masha ni chye wa hkra gara hku karum ya na kun?