Yehowa A Ga Sadi Ni Hpe Nang Kade Daram Kam Sham Ai Kun?

Yawshu hte Shawlumon yan gaw, Yehowa a ga sadi ni n hpring tsup ai sha n nga ai ngu tsun wa ai. (Y.sh. 23:14; 1 Hk. 8:56) Shan yan a sakse hkam ai ga hta madung nna, anhte a makam masham hpe gawgap mai ai.​—⁠2 Kor. 13:1; Titu 1:2.

Yawshu a prat hta Yehowa a ga sadi ni gara hku hpring tsup wa ai kun? ‘Ga Hkaw Mi Mung N Hpring Tsup Ai Sha N Nga Ai’ ngu ai video hpe na a dinghku hte rau yu u. Ngut yang, ndai ga san ni hpe maram yu u: (1) Rahab madun ai makam masham kaw nna hpa sharin la lu ai kun? (Heb. 11:31; Yaku 2:24-26) (2) Dingsang n madat ai nga yang, tsin-yam hkrum na hpe Ahkan a mabyin gaw gara hku madun nga ai kun? (3) Gibeon masha ni gaw hpyen la ni rai nga tim, Israela masha ni hte sim sa na matu, Yawshu hpe hpa majaw hkalem wa ai kun? (4) Amori hkawhkam manga Israela ni hpe sa gasat ai shaloi Yehowa a ga, gara hku hpring tsup wa ai kun? (Y.sh. 10:5-14) (5) Karai Kasang a Mungdan hte ding hpring ai lam hpe shawng tam yang, Yehowa gara hku karum ya ai kun?​—⁠Mah. 6:33.

Yehowa galaw ya wa ai ni, matut nna galaw ya nga ai ni hte hpang de galaw ya na lam ni hpe myit sumru na nga yang, shi a ga sadi ni hpe grau kam sham wa na re.​—⁠Rom. 8:31, 32.