Yawng A Shawng Na La Yan Num

KARAI Kasang gaw Adam hpe, ndai hku hpan da ai. Aga kaw na ga yun nkau mi hpe la nna, hkum tsup ai lasha hkum hkrang langai mi shachyaw dat ai. Dai hpang shi a ladi hta nsoi nsa kawut bang ya jang, Adam asak hkrung wa ai.

Yehowa Karai Kasang gaw Adam hpe, galaw shangun na bungli langai mi nga ai. Dusat n hprang amyu baw shagu hpe, amying shamying u, nga nna tsun ai. Adam gaw dusat ni hpe, aten na na yu nna, shanhte a matu grai kaja ai amying ni hpe shamying ya na re. Adam gaw dusat ni hpe amying shamying ya nga yang, la ma mi mu ai. Hpa re ai hpe chye ani?

Dusat ni gaw ayi hte ala yep rai nga ma ai. Magwi kawa magwi kanu, hkanghkyi kawa hkanghkyi kanu nga ai. Raitimung Adam gaw shi a manang tai na nlu ai. Dai majaw Yehowa gaw Adam hpe, yup kaba hte yup shangun nna shi a garep nra langai mi hpe shaw la ai. Dai garep nra hpe la nna, Adam a matu num langai mi hpan ya ai. Dai num gaw shi a madu jan tai wa ai.

Ya Adam grai myit pyaw na sai. Ewa mung ndai daram tsawm la ai sun kaw nga lu ai majaw grai myit pyaw na re ai hpe myit yu mu. Ya gaw kashu kasha ni shangai lu nna, myit pyaw ai hte shan rau sha nga lu sai.

Yehowa gaw Adam hte Ewa hpe htani htana asak hkrung nga na hpe, ra sharawng ai. Ginding aga mahkra hta Edin sun hte maren, tsawm nga lu hkra shan hpe galaw shangun mayu ai. Shing rai galaw na lam hpe Adam hte Ewa myit yu nna, grai myit pyaw na ma ai. Gindin aga hpe tsawm la ai sun hte maren, byin wa hkra galaw ai hta nanhte nshang lawm mayu ma ni? Raitimung Adam hte Ewa a ngwi pyaw ai lam gaw, aten na na nlu la ma ai. Shamat kau ma ai. Hpa majaw re ai kun? Yu yu ga.