Tsawra ai Si Mat Ai Ni A Mătu, Kăning Rē Myit Măda Lam Nga A Ta?

Măsha gaw si wa săyang, bai hkrung rawt lu na kun? nga nna, moi Yoba ngu ai wa san ga ai. (Yoba 14:14, King James Version) Kăja wa nang mung, ndai lam hpe myit mau sumru yu na ndai. Kăja htum ai măsa kăja hta, ndai ginding ga ntsa ē, nang tsawra ai ni hte bai hkrum kănawn măzum lu na lam hpe, nang chyē yang, kăning nga hkam sha na kun?

Chyum laika hta ga sădi jaw tawn ai gaw, “Mădu a si ai măsha ni bai hkrung na măra ai.” Chyum laika hta “Dinghpring ai ni gaw, ginding aga hpe mădu lu nna, dai hta ē nan, tut nawng ē nga nga lu na măra ai.” nga nna mung tsun da ai.—⁠Esaia 26:19; Shăkawn Kungdawn 37:29.

Dai zawn rē ga sădi ni hpe, kăja wa kam lu na mătu, anhtē ni gaw, gasan mădung ni hpe htai tsun ya na lam ra nga ai; hpa măjaw măsha ni si wa ma ni? si mat sai ni găra kaw nga ma ni? Shanhtē teng sha bai hkrung wa na hpe, anhtē ni kăning rai kam lu na kun?

Si Lam Hte Măsha Si Yang Hpa Byin Mat Wa A Lam

​Kărai Kăsang gaw, shawng ningpawt ē măsha hpe si na mătu, n-yaw shăda da ai lam Chyum laika hta dan leng hkra mădun da ai. Shi gaw shawng na măsha yan htinggaw Adam hte Ewa hpe hpan da nna, Edin ngu ai gingding aga Hparadisu hta shăra jaw da nhtawm, kăshu kăsha shăprat nna, Hparadisu nga shăra hpe ginding aga ting, măden jat wa na mătu, shan hpe mătsun da ai Mădu a hkang da ai lam hpe n mădat yang chyu sha, shan si na ma ai.—⁠Ningpawt Ninghpang 1:28; 2:​15-17.

Kărai Kăsang a mătsan dum ai hpe, n hkungga ai măjaw mung, Adam hte Ewa gaw mădat măra ai lam n mădun mai măjaw, măsat da sai măra hte măren, hkam la mai. “Nang ga yun rai nga ndai rai nna, ga yun bai tai na rin dai” nga nna Kă­rai Kăsang gaw Adam hpe tsun ai. (Ningpawt Ninghpang 3:19) Adam hpe gărai n hpan yang, shi n nga ai, shi gaw ga yun sha rē ai. Shi ga nmădat ai lam shing nrai măra a măjaw, Adam gaw ga yun bai tai na dawdan hkrum nu ai. Hpa mung n nga ai măsa tai mat sai.

Dai măjaw si ai lam gaw, asak n nga sai rai nga ai. Chyum laika hta, nhtan shai ai măsa hpe mădun ai. “Yubak a shăbrai gaw, si mat ai rai nga ai. Kărai Kăsang a chyēju kumhpa chyawm gaw, htani htana asak rai nga ai.” (Roma 6:23) Si ai ngu ai gaw, hpa mung n chyē mat sai rē lam chyum laika hta, “Hkrung nga ai ni gaw tinang si na hpe chyē ma ai; si mat ai ni chyawm gaw hpa n chyē ma ai” nga nna tsun da ai. (Hpaji Ningli 9:5) Măsha lăngai mi si yang, Chyum laika gaw, “Shi a nsoi nsa hkyet mat yang, shi ga de bai nhtang mat wa ai rai nna, dai shăni jang, shi maw ai hku yawng hten mat wa ai,” nga nna shăleng dan ai.​—⁠Shăkawn Kungdawn 146:​3, 4.

Raitimung, Adam hte Ewa sha, Edin na hkang da ai hpe, tawt lai ma ai rai yang, anhtē mahkra; hpa rai si a ni? Dai lam gaw, anhtē yawng Adam n mădat ai hpang, shăngai wa ga ai; dai rai nna anhtē yawng gaw, shi kaw na yubak hte si lam hpe dashi (gawmai gawsha) hkam la ga ai. Cyum laika hta ning nga nna shăleng da ai. “Dai rai nna măsha lăngai mi (Adam) a jaw ē yubak gaw, mungkan ga de shang wa nna yubak a măjaw, si­hkrung sihtan shang nang wa ai hte măren, yawng mayawng yubak kap nga ma ai măjaw, măsha nlang kaw ē sihkrung si­htan du bang wa sai —⁠Roma 5:12; Yoba 14:4.

Raitimung mărai lăngai ngai gaw, măsha si ai hpang mătut hkrung nga ai wenyi ngu ai gaw nga ai n rai ni? nga nna san na rē; law mălawng dai hku nna shărin ya nga ma ai. Si ai ngu ai gaw, htawm hpang prat de gălai na mătu, chyinghka lam rē; nga nna pyi tsun ma ai. Raitimung shingngu myitmang ai lam gaw, Chyum laika na n rai; de a mălai Kărai Kăsang a mungga hta, nang gaw wenyi Soul rai nna, na a Wenyi Soul gaw, na a hkum hkrang hte myit mang ai nyan mahkra hte hpawn, nang hkum nan rai nga ai; nga nna shă­rin da ai. (Ningpawt Ning­hpang 2:7; Yeremia 2:34; Ga shăgawp 2:10) Chyum laika gaw, “Yubak gălaw ai myit măsin (wenyi soul) gaw, si na ra ai. (Ezekela 18:4) Măsha gaw hkum hkrang si ai htawm, nsi chye ai wenyi măhtang mătut hkrung nga ai ngu nna Chyum laika hta găra shăra hta mung, n shărin ya ai.

Shinggyim Măsha Ni Kăning Rai Bai Asak Hkrung Na

Yubak hte si lam gaw mungkan ga de shang wa ai hpang, Kărai Kăsang gaw, shi a yaw shăda ai lam măsha chyăsi ni bai hkrung rawt ai hku nna, asak kălang mi bai hkrung na mătu, rē ai lam hpaw mădun da ai. Dai măjaw Chyum laika hta, “Abraham gaw kăsha Isak hpe, si ai kaw na hkrung rawt na mătu, Kărai Kăsang shăbyin ya lu ai hpe, myit kam wu ai” nga nna shăleng da ai. (Hebre 11:​17-19) Abraham kam hpa ai lam gaw, n-yit nshai lu ai. Hpa măjaw nga yang, Chyum laika hta Chyă­htum Chyălai n-gun atsam Mădu a lam ning nga ai, “Kărai Kăsang chyawm gaw, si ai ni a Kărai Kăsang n rai, hkrung nga ai ni a Kărai Kăsang she rai nga ai; yawng măyawng htē gaw, shi a man ē hkrung nga ma ai.”—Luka 20:37, 38.

Teng ai, Chăhtum chyălai n-gun atsam Mădu Kărai Kăsang gaw, n-gun atsam rawng ai sha n-ga, shi lăta la ai măsha ni hpe, hkrung shărawt la na ra shărawng nga ai. Yēsu Hkristu nan, “Dai lam hpe hkum mau myit, (myit dum hpa) kăning rai nme law, lup ni hta rawng nga ai ni nlang hte gaw, shi a nsen na nna, pru lu na ahkying (aten) du na ra ai,” nga nna tsun wu ai.​—⁠Yawhan 5:​28, 29; Kăsa 24:15.

Shingnga tsun ai hpang kăde n na yang, Yēsu gaw Israela mung, Na-in măre na pru sa wa ai, si mang măkoi na sa wa ai ni hte hkrum ai; Kănu a nachying yawn hkyen ai hpe mu nna, Yēsu gaw mătsan yu dum wu ai. Dai măjaw măsha chyăsi mang hpe ning ngu tsun wu ai. “Shăbrang ē, ngai nang hpe tsun de ai. rawt u,” ngu wu ai. Shi mung rawt dung nna, Yēsu gaw shi a kănu hpe ap ya wu ai.​—⁠Luka 7:​11-17.

Dai gaida jan byin ai zawn, Yēsu gaw Yuda tăra Jawng agyi Ya-iru a nta de sa hkawm du yang, shawng na hte măren, kăbu găra lam byin nu ai. Shi a 12 ning re shăyi sha si mat yang, Yēsu gaw Ya-iru a nta de du ai shăloi, shi gaw si mat ai ma hpang de, sit sa nna, “Numsha è rawt u ngu tsun wu ai. Numsha mung rawt dung nga ai.​—⁠Luka 8:​40-56.

Dai hpang ē Yēsu a jinghku wa Lazaru si mat wa ai. Yēsu gaw shi nta de du sa ai shăloi, Lazaru si mat ai măli ya rai sai. Grai yawn hkyen ai raitimung, shi a kănau Marhta gaw, myit măda lam mădun let, “Hpang jăhtum na bai hkrung rawt ai nhtoi hta, shi mung bai rawt na ra ai gaw ngai chyē n ngai,” ngu wu ai. Raitimung Yēsu gaw lup de sa nna, nlung hpe gălau kau shă­ngun let, “Lazaru ē, pru wa rit,” ngu jăhtau dat wu ai. Shi mung rawt pru wa ai​—⁠Yawhan 11:​11-44.

Sumru yu u,–Lazaru măli ya si nga ia lăman ē, shi a byin măsa gaw găra hku rai kun? Sumsing lămu du nga ai– shing n rai–zingri ai ngarai de du nga ai lam, Lazaru ga hkaw mi mung ntsun ai. Dai kaw du ai teng ai rai yang, shi teng sha tsun na rē. Lazaru gaw si nga ai lăman hpa mung n dum wu ai. kăja wa Yēsu shi hpe asak n jăhkrung ya yang, hpang jăhtum bai hkrung rawt ai aten du hkra, dai hku sha rai nga na rē ai.

Teng ai, Yēsu jăhkrung shărawt dat ai ni, kălang mi bai si ma ai măjaw, Yēsu a ndai mauhpa amu ni gaw, aten chyăhkring mi sha akyu jaw ai; raitimung Kărai Kăsang a n-gun atsam hku nna, si mat ai ni kălang bai hkrung lu na lam, lai sai shăning 1,900 hta, shi sakse mădun da sai; Yēsu gaw shi a mauhpa amu ni hku nna, Kărai Kăsang a mungdan npu, ginding aga ntsa hta ē, hpa byin wa lu na hpe hkrang kăji hku nna, mădun da ai rē.

Tsawra Ai Wa Lăngai Si Mat Wa Ai Shăloi

Si Du hpyen a măjaw, hkrungrawt lam hpe myit măda timung, na a yawn hkyen lam gaw kăba la na re. Abraham gaw, shi a mădu jan bai hkrung rawt wa na hpe kam ai. Raitimung, anhtē ning ngu hti lu ga ai, “Abraham mung, Sara a măjaw, shărung shăyawt ai hte, hkrap ngu hkrap ngoi na nga sa wa ai.” (Ningpawt Ninghpang 23:2) Yēsu hte seng nna mung, găra hku rai ni? Lazaru si mat wa ai shăloi, shi gaw, “yawn mădai ai hte myit law ai rai nna,” kăde n na yang myiprwi pru nga ai.” (Yaw­han 11:​33, 35) Dai măjaw, nang tsawra ai wa si nna hkrap yang, dai gaw n-gun kya ai lam nrai.

Ma lăngai mi si mat wa ai shăloi, grau nna kănu jan a mătu, hkam sha yak nga ai. Dai re ai măjaw, kănu hkam sha ai, na­chying yawn mădai ai hpe, Chyum laika gaw măsat da ya nga ai. (2 Hkawhkam 4:27) Kăsha sum hkam ai kăwa lăngai wa hku nna mung, dai hte măren hkam sha na rē, Nang si na mălai, ngai si n-ga law ē,” nga nna hkawhkam Dawi gaw, shi a kăsha Absalom si mat wa ai shăloi, hkrap shărung nga ai. —2 Samuela 18:33.

Raitimung, nang gaw bai hkrung rawt na lam hpe, kam sham nga ndai măjaw, na a yawn hkyen ai lam gaw, n prai lu na dă­ram n rai, Chyum laika hta nang gaw, “myit măda ai lam n lu ai măsha ni zawn nanhtē yawn hkyen n hkrum myit ga” nga nna tsun da ai. (1 Htesaloni 4:13) Dai hku byin nga na a mălai, nang gaw kyu hpyi ai hku nna, Kărai Kăsang hpang de grau ni wa na rai nna, Chyum laika gaw, “Shi nang hpe shădaw na rē ai,” nga nna sădi jaw da ai.—Shăkawn Kungdawn 55:⁠22.

Kăga măsat n lawm ai htē lăkap ai Ja Chyum ga yawng gaw, Yudatan ka găle tawn da ai Chyum laika kaw na rē ai.