Daw Kăba 11
Kărai Kăsang N Ra Shărawng Ai Măkam Măsham Ni Hte Htunghking Ni
Kăning rē ai măkam măsham ni hte Htunghking ni gaw shut a ni? (1)
Kărai Kăsang gaw, măsum raitim lăngai, rē ai ngu, Hkristan ni kam sham mai a ni? (2)
Hkristan măjing ni gaw, Hkristmat, Easter, shing n rai, shăngai nhtoi poi ni hpe, hpa măjaw n gălaw a ni? (3, 4)
Si mat sai ni gaw, asak hkrung nga ai ni hpe, shoi hpa jam jau jaw lu a ni? (5)
Yēsu gaw wudang ntsa ē si hkam a ni? (6)
Kărai Kăsang ra shărawng ai hte hkrum na matu, kăde ahkyak a ni? (7)
1. Măkam măsham hte htunghking ni yawng gaw, n kăja ai lam ni n rē ai. Rai ti mung, shut shai ai naw ku htung kaw na yu hkrat wa ai ni rai yang; shing n rai, Chyum laika a shărin achyin ai lam ni hte nhtan shai nga ai ni rai yang gaw, Kărai Kăsang ra shărawng ai lam n rē ai.—Mahte 15:6.
2. Măsum raitim langai: Yehowa gaw, măsum raitim lăngai—marai măsum lawm ai Kărai Kăsang—rē a ni? n rē ai. Kăwa rai nga ai Yehowa gaw, “langai sha rai nga ai hte teng man rē ai . . . Kărai Kăsang” rē ai. (Yawhan 17:3; Marku 12:29) Yēsu gaw, Yehowa a kăsha alat rai nna, Kărai Kăsang a npu ē, taw nga ai. (1 Korinhtu 11:3) Kăwa gaw Kăsha hta grau kăba ai. (Yawhan 14:28) Chyoi pra ai wenyi gaw, mărai lăngai n rē ai; Kărai Kăsang a shămu shămawt ai n-gum atsam sha rē ai.—Ningpawt Ninghpang 1:2; Kasa 2:18.
3. Hkristmat hte Easter: ... (Luka 2:8-12) Yēsu gaw shi a shăngai ai lam hpe, poi gălaw na mătu Hkristan ni hpe, găloi mung htet da wu ai n rai. De a mălai, shi a si lam hpe myit mătsing na mătu, shing n rai, myit dum na mătu, săpe ni hpe htet da wu ai. (Luka 22:19, 20) Hkristmat hte de a htunghking ni gaw, moi prat na . . . naw ku htung ni kaw na, yu hkrat wa ai rē. Easter htunghking ni rai nga ai udi ni hte prangtai ni hpe asung jăshawn ai lam ni mung, dai hte măren sha rē ai. Moi na Hkristan ni gaw, Hkristmat shing n rai, Easter poi hpe n gălaw ma ai zawn, dai ni na . . . Hkristan ni mung, n gălaw ma ai.
4. Shăngai nhtoi poi ni: Chyum laika hta mădun tawn ai shăngai nhtoi poi lăhkawng sha, Yehowa hpe n naw ku ai măsha ni gălaw ma ai. (Ningpawt Ninghpang 40:20-22; Marku 6:21, 22, 24-27) Moi na Hkristan ni gaw, shăngai nhtoi poi ni hpe n gălaw ma ai. Shăngai nhtoi poi ni hpe gălaw ai htunghking lailen ni gaw, moi prat na . . . naw ku htung ni kaw na yu hkrat wa ai rē. . . . Hkristan ni gaw, lăning mi lăman hte, kăga aten ni hta kumhpa jaw let, pyaw shăjang ma ai.
5. Si ai ni hpe hkrit gări ai lam: Si sai ni gaw hpa mung n gălaw lu ma ai; shing n rai, hpa mung n hkam sha lu ma ai. Shanhtē hpe anhtē n kărum lu ai; anhtē hpe mung, shanhtē jam jau n jaw lu ma ai. (Shăkawn Kungdawn 146:4; Hpaji Ningli 9:5, 10) Wenyi soul si sai; si mat sai hpang, mătut nna asak n hkrung sai. (Ezekela 18:4) Rai ti mung, nat mătse ni ngu ai, n hkru ai lămu kăsa ni gaw, kălang numrang si mat sai ni a wenyi hku nna, hpyi hpun ma ai. Si sai ni hpe hkrit gări ai, shing n rai, naw ku ai găra htunghking rai ti mung, shut nga ai.—Esaia 8:19.
6. Wudang: . . . —Tăra Jăhprang 7:26; 1 Korinhtu 10:14.
7. Dai zawng rē ai măkam măsham hte htunghking nkau mi hpe, kăbai kau na grai yak na rē ai. Jinghku jing-yu hte mănaw mănang ni gaw, na a măkam măsham lam ni hpe n gălai na mătu, agaw hkălem shăkut na ma ai. Raitim, Kărai Kăsang a ra shărawng myit hte hkrum na lam gaw, măsha a myit hte hkrum na lam hta, grau nna ahkyak nga ai.—Ga shăgawp 29:25; Mahte 10:36, 37.
[Pictures on page 22]
Kărai Kăsang gaw, măsum raitim lăngai n rē
[Pictures on page 23]
Hkristmat hte Easter gaw, moi prat na shut shai ai naw ku htung kaw na yu hkrat wa ai rē
[Pictures on page 23]
Si sai ni hpe hkrit gări na mătu, shing n rai, naw ku na mătu, hpa baw npawt nhpang mung n nga ai