Satan A Ga Madat Ai Majaw Hpa Byin Mat Ai Kun?

Adam hte Ewa Karai Kasang a ga n madat ai majaw si ra ai. Ningpawt 3:​6, 23

Ewa gaw, lapu a ga madat nna, namsi sha kau ai. Dai hpang Adam hpe jaw ai shaloi, Adam mung sha kau ai.

Karai Kasang a ga n madat ma ai, dai gaw yubak re. Dai majaw, Karai Kasang shan yan hpe Edin sun kaw na gawt kau ai.

Shan yan hte, kashu kasha ni gaw yakhkak let asak hkrung ra wa ai. Shanhte asak kung wa nna si ra ai. Si ai shaloi gara de mung ndu ai sha tsep kawp mat mat ai.

Si mat ai ni gaw asak n rawng ai ga yun tai mat ai. Ningpawt 3:​19

Anhte yawng gaw, Adam yan Ewa kaw na shangai wa ai majaw, si ra ai. Si ai ni gaw n mu lu, n na lu, hpa mung n lu galaw sai.​​—​Hpaji Ningli 9:​5, 10.

Yehowa gaw masha ni si na hpe n ra ai. Kade nna yang, si ai ni hpe bai jahkrung ya na re. Shanhte gaw shi a ga madat na nga yang, htani htana asak hkrung lu na re.