Yesu Si Hkam Ai Gaw Na A Matu Hpa Akyu Nga Ai Kun?

Anhte htani htana asak lu na matu, Yesu si hkam ya ai. Yawhan 3:​16

Yesu si ai masum ya na ai hpang, num sha nkau mi lup de sa yu yang, lup kata kaman rai nga ai hpe mu ai. Yehowa gaw, Yesu hpe si ai kaw na bai jahkrung ya ai.

Dai hpang, Yesu gaw shi a sape rai nga ai, kasa ni hpe hkum madun dan ai.

Yehowa gaw, Yesu hpe hpung kaba nna, htani htana ahkrung nga ai wenyi hkum hte, bai jahkrung ya ai. Yesu sumsing lamu de lung mat ai hpe, shi a sape ni mu ai.

Yehowa gaw, Yesu hpe asak bai jahkrung ya nna, Karai Kasang Mungdan a Hkawhkam aya ap da sai. Daniela 7:​13, 14

Shinggyim masha ni hpe hkye hkrang la na matu, Yesu gaw shi a asak hpe, gawng malai jahpu jaw ya ai. (Mahte 20:28) Dai gawng malai jahpu a majaw, Karai Kasang anhte hpe htani htana asak jaw na re.

Yehowa gaw mungkan hpe uphkang na matu, Yesu hpe Hkawhkam aya ap da ai. Yesu hte rau, sumsing lamu hta uphkang na matu, ga n tsa na ding hpring ai masha 144,000 hpe lata da ai. Shanhte si ai hpang, lamu de hkrung rawt mat wa na re.—Shingran 14:1-3.

Karai Kasang a Mungdan gaw, mungkan hpe hparadisu byin hkra galaw ya na re. Majan, nhkru nhkra ai, matsan ai hte kawsi hpang gara ai ni n nga sai. Shinggyim masha ni, kaja wa ngwi pyaw wa na.—​Shakawn Kungdawn 145:16.