Karai Kasang A Ga Madat Ai Ni Hpa Shaman Chyeju Lu Na Ta?

Si mat ai ni law malawng gaw, ga ntsa hta bai hkrung rawt wa na. Kasa 24:15

Yehowa a ga madat ai ni, htawm hpang prat hta lu la na, shaman chyeju ni hpe myit yu ga. Hkum tsup ai hkam kaja lam nga nna, machyi ai, nkung nkang ai ni mung n nga sai. Nhkru ai masha n nga ai majaw, kadai hpe raitim kam mai sai.

Machyi makaw, yawn hkyen ai ni a majaw, myi prwi n hkrat ra sai. Kadai mung asak kung wa nna si sana n re.

Hparadisu hta kun dinghku masha ni, jinghku ni hte rau angwi apyaw sha asak hkrung lu na.

Hkrit tsang hpa n nga sai. Shinggyim masha ni gaw, teng sha ngwi pyaw wa na re.

Karai Kasang a Mungdan gaw, yakhkak jamjau ai lam yawng hpe jahtum kau na. Shingran 21:​3, 4