MAHKAWN 40
Nang Hpe Kadai Madu Ai Kun?
Dip Shapraw Ai Hkrang
(Roma 14:8)
1. Nang hpe kadai madu?
Gara Karai ga madat?
Nang hkungga ai wa gaw na Madu.
Nang nawku ai wa na Karai.
Karai lahkawng yan hpe,
Nawku dawjau n lu ai.
Na a salum hta nga ai hte maren,
Hpang jahtum nang lata ra.
2. Nang hpe kadai madu?
Gara Karai ga madat?
Langai gaw shut na, langai gaw jaw,
Lata ra na, na a lit re.
Ndai mungkan ntsa
Matut sadi dung na kun?
Karai ra sharawng ai lam galaw let
Shi a ga madat na kun?
3. Ngai hpe kadai madu?
Yehowa a ga madat.
Sumsing lamu na Karai Wa hpe
Nawku dawjau, sadi dung na.
Hkristu a asai hte
Anhte hpe shi mari da.
Prat hkrun lam hte ngai sak jaw mat wa na.
Karai hpe shakawn nga na.
(Ysh 24:15; Shk 116:14, 18; 2 Tm 2:19 ni hpe mung yu u.)