Madung Lam Hpe Dan Dawng Ra

Hebre 8:1

KADUN DAWK: Na a mungga hpe shawa hpawng, myit maju jung nna hkan madat wa hkra karum ya u. Ga baw hte nang tsun mayu ai lam gaw, madung lam langai hpra hte gara hku matut mahkai nga ai lam, asan sha chye na hkra galaw u.

GALAW MAI AI LAM:

• Yaw shada lam nga u. Na a mungga gaw, shawa masha ni hpe lama ma tsun dan na matu daram sha kun? Kamsham hkap la wa na matu kun? Shadut ya na matu kun? Dai hpe myit nna, dai hte maren hkan galaw u. Na a yaw shada lam hte maren, htawn tsun lu hkra karum ya lu ai, madung lam yawng hpe shajin da u.

• Mungga ga baw hpe ahkyak shatai tsun dan u. Nang mungga htawn ai shaloi, madung lam a ga si nkau hpe kahtap htap tsun dan ai hku nna, madung lam hpe dan dawng hkra galaw mai ai.

• Madung lam hpe asan sha tsun u. Masat da ai aten laman, tang du hkra sharin ya lu na matu, ga baw hte matut mahkai nga ai, madung lam ni hpe sha lata u. Madung lam kade daram tsun na hpe masat da u. Madung lam shagu hpe asan sha tsun u. Langai hte langai a lapran ni hta hkring u. Madung lam langai kaw nna langai tsun dan ai shaloi, amasan sha tsun dan u.