Asak Gara Hku Byin Hpang Wa Ai Kun?

Karai Kasang gaw “asak yawng a hka hpawk rai nga ndai.” (Shakawn 36:​9, JCLB) Dai hpe nang kam ai kun? Asak hpe kadai mung n hpan da ai ngu nna masha nkau tsun ma ai. Dai she teng yang gaw, asak gaw ang shaa byin wa ai rai mat sai. Lama na, asak hpe Yehowa Karai Kasang hpan da ai rai yang, yaw shada lam nga na n re i?a Asak a npawt nhpang hte seng ai Chyum Laika labau hte dai hpe hpa majaw kam mai ai ngu ai hpe yu yu ga.

1. Ninggawn tawa gara hku byin hpang wa ai kun?

Chyum Laika hta ndai hku tsun da ai: “Shawng ningpawt e Karai Kasang gaw sumsing lamu hte ginding aga hpe hpan da wu ai.” (Ningpawt 1:1) Hpungtang hpaji du law malawng gaw, ninggawn tawa hta npawt nhpang nga ai hpe myit hkrum ma ai. Dai hpe Karai Kasang gara hku hpan ai kun? Chyoi pra ai wenyi hpe akyu jashawn nna, ninggawn tawa hta nga ai yawng mayawng hpe hpan ai. Dai hta, shagan majaw ni, shata shagan ni hte gintawng ni mung lawm ai.​—Ningpawt 1:2.

2. Karai Kasang gaw mungkan ga hpe hpa majaw hpan ai kun?

Yehowa gaw, “ginding aga” hpe yaw shada lam n nga ai sha hpan da ai n re. Shinggyim masha ni shanu nga na matu hpan da ai. (Esaia 45:18) Mungkan ga hpe grai nga pyaw ai shara byin hkra, shinggyim masha ni htani htana nga lu na shara byin hkra galaw da ya ai. (Esaia 40:28; 42:5 hpe hti u.) Mungkan ga gaw, grai laklai ai ngu nna hpungtang hpaji du ni tsun ai. Mungkan gintawng langai sha, shinggyim masha ni asak hkrung lu ai shara re ai hpe shanhte tam mu wa ai.

3. Shinggyim masha ni hte dusat ni a shai ai lam gaw hpa rai kun?

Yehowa gaw mungkan ga hpe hpan ngut ai hpang, hkrung mahkrung hpe hpan ai. Shawng nnan, ginding aga hpe hpun ni, dusat dumyeng ni hte jahpring dat ai. Dai hpang, “Karai Kasang gaw shi a hkrang sumla hte maren . . . [masha] hpe hpan da wu ai.” (Ningpawt 1:27 hpe hti u.) Dai majaw shinggyim masha ni gaw laklai ai. Karai a hkrang sumla hte maren hpan da hkrum ai majaw, tsawra myit, tara rap ra ai zawn re ai shi a atsam ningja ni hpe madun lu ai. Amyu ga ni hpe sharin la lu ai atsam, shingni hpaji hpe ra sharawng ai myit ni, yungwi nsen ni hpe hkamsha chye ai myit ni hpe shalawm nna mung hpan da ai. Dusat ni hte n bung ai sha anhte gaw Hpan Madu hpe nawku lu ai.

Kahtap Hkaja

Asak gaw hpan da hkrum ai lam, hpan da ai lam hte seng ai Chyum Laika labau ni gaw, kam mai ai ngu nna lu tsun ai lam ni hpe sawk sagawn yu ga. Shinggyim masha ni hta nga ai atsam ningja gaw, Karai Kasang hte seng nna hpa sharin ya ai hpe hkaja yu ga.

4. Asak gaw hpan da hkrum

Shinggyim masha ni gaw, shingra tara hpe yu nna arai ni hpe hkrang shachyaw ai shaloi shakawn hkrum ma ai. Rai yang, dai shingra tara ni a matu kadai gaw shakawn hkrum ging ai kun? VIDEO hpe hpaw, dai hpang ndai ga san hpe bawngban u.

VIDEO: Karai Kasang Hpe Kam Sham Ai Lam (2:43)

• Hkrang shachyaw ai ni gaw, shingra tara kaw na hpa ni hpe yu la nna gin shalat ai kun?

Nta ngu ai hpe marai langai ngai gaw hkrang shachyaw nna gap da ai. Raitim, shingra tara hta nga ai arai ni hpe kadai gaw hkrang shachyaw nna gap da ai kun? Hebre 3:4 hpe hti nna, ndai ga san ni hpe bawngban u.

• Mungkan a shingra tara ni kaw na gara hpe nang ra sharawng ai kun?

• Ninggawn tawa hte dai hta nga ai arai yawng mayawng gaw hpan da hkrum ai ngu ai hpe kam ai gaw tatut byin ai kun? Hpa majaw kun?

Nang chye ai kun?

Ndai ga baw hte seng ai video ni hte sumhpa ni hpe jw.org/my hta lawm ai “သူ့အလိုလိုဖြစ်လာနိုင်ပါ့မလား” hte “အသက်ရဲ့ မူလအစအပေါ် ရှုမြင်ချက်များ” ngu ai daw matut sumhpa ni hta tam mai ai.

“Nta ngu ai hpe marai langai ngai e de da nga ai; yawng mayawng hpe de da ai wa chyawm gaw, Karai Kasang rai nga ai”

5. Hpan da ai lam hte seng ai Chyum Laika labau gaw kam mai

VIDEO: Ninggawn Tawa Gaw Hpan Da Hkrum Ai Kun?​—Kadun (3:51)

• Mungkan ga hte dai hta nga ai yawng mayawng hpe hkying hkum 24 nga ai nhtoi 6 ya laman hta hpan da ai ngu Chyum Laika hta tsun da ai kun?

• Hpan da ai hte seng ai Chyum Laika labau gaw lachyum nga nna kam mai na ngu nang shadu ai kun? Rai yang, nang hpa majaw dai hku htai ai?

Ningpawt 1:1 hpe hti nna, ndai ga san hpe bawngban u:

• Ninggawn tawa hta npawt nhpang nga ai ngu hpungtang hpaji du ni tsun ai. Ya, nang hti mat ai Chyum daw hte shanhte tsun ai lam ni hpe gara hku shingdaw yu na kun?

Karai Kasang gaw sinda masa hpe akyu jashawn nna asak hpe hpan wa ai ngu masha nkau shadu ma ai. Ningpawt 1:​21, 25, 27 hpe hti nna, ndai ga san ni hpe bawngban u:

• Karai Kasang gaw asak hpe hpan ai. Dai hpang dai asak hpe sinda masa hku nna, hka kata na nga ni, dusat ni, shinggyim masha ni byin wa hkra galaw ai ngu Chyum Laika hta tsun da ai kun? Shing nrai, hkrung mahkrung yawng hpe “amyu shagu” hku nna hpan da ai kun?b

6. Shinggyim masha ni gaw Karai a laklai ai hpan da ai lam re

Anhte hpe Yehowa gaw dusat ni hte n bung ai sha hpan da ai. Ningpawt 1:26 hpe hti nna, ndai ga san hpe bawngban u:

• Karai a hkrang sumla hte maren hpan da hkrum ai majaw, tsawra myit, matsan dum myit hpe anhte madun lu ai gaw, Karai hte seng nna hpa hpe chye lu ai kun?

Kadun Dawk

Yehowa gaw ninggawn tawa hte asak yawng hpe hpan da ai.

Bai Maram

• Ninggawn tawa a npawt nhpang hte seng nna Chyum Laika sharin ya ai gaw hpa rai kun?

• Asak langai kaw na sha asak hpan amyu myu byin hkra, sinda masa hpe Karai Kasang lang wa ai kun? (sh) asak yawng hpe shi hpan da ai kun?

• Shinggyim masha ni hte seng nna laklai ai lam gaw hpa rai kun?

Sawk Sagawn

Shingra tara ni hpe yu nna hkrang shachyaw da ai lam ni hpe sawk sagawn yu u.

“Shingra Tara Gaw Gara Lam Hpe Sharin Ya Ai Kun?” (Dum Hprang!, September 2006)

Hpan da ai lam ni hte seng ai Chyum Laika labau ni hpe kawa gaw kasha hpe gara hku sanglang dan ai hpe yu yu u.

‘Yehowa Gaw Yawng Mayawng Hpe Hpan Da Ai’ (2:37)

Sinda masa gaw Chyum Laika hte tup hkrak re ai kun? N re ai kun? ngu ai hpe sawk sagawn yu u.

“Karai Kasang Gaw Hkrung Mahkrung Hpe Hpan Na Matu Sinda Masa Hpe Lang Wa Ai Kun?” (Web sumhpa)

Moi na namhkan nlung hte hpungtang hpaji sawk sagawn da ai lam ni gaw, asak gaw hpan da hkrum ai ngu tsun da ai kun? (sh) shi hte shi byin wa ai ngu tsun da ai kun? ngu ai hpe sawk sagawn yu u.

Asak A Npawt​—San Ging Ai Ga San Manga (E) (brochure)