DAW 28
Na A Matu Yehowa Hte Yesu Galaw Ya Wa Ai Lam Ni Hpe Chyeju Dum Ai Lam Madun U
Na a manang gaw grai kaja ai kumhpa jaw ai shaloi, nang gara hku hkamsha ai kun? Grai kabu na re. Shi hpe mung chyeju dum ai lam madun mayu na re. Yehowa hte Yesu gaw, anhte lu ga ai kumhpa ni yawng hta na, grau kaja ai kumhpa hpe jaw wa ai. Dai kumhpa gaw hpa rai kun? Dai hpe chyeju dum ai lam gara hku madun lu na kun?
1. Anhte a matu Karai Kasang hte Hkristu galaw ya wa ai lam ni hpe chyeju dum ai lam madun lu ai lam langai gaw hpa rai kun?
Chyum Laika hta, “[Yesu] hpe kam sham ai ni nlang hte” gaw, htani htana asak hkrung lu na ngu ga sadi jaw da ai. (Yawhan 3:16) Kamsham ai lam hpe gara hku madun lu na kun? Anhte a galaw ai lam ni, lata ai lam ni hte kamsham ai lam madun ra ai. (Yaku 2:17) Tsun ai lam, galaw ai lam hte kamsham ai lam madun na nga yang, Yesu hte shi a Kawa Yehowa hte hku hkau lam grau ngang kang wa na re.—Yawhan 14:21 hpe hti u.
2. Yehowa hte Yesu galaw ya wa ai lam ni hpe chyeju dum ai lam madun lu ai laksan lamang langai gaw hpa rai kun?
Yesu garai n si shi ai shana hta, shi a shagu hkungga hpe chyeju dum lu ai kaga lam langai hte seng nna, sape ni hpe Yesu tsun wa ai. Chyum Laika hta, “Madu A Shana Shat Sha” poi ngu tsun da nna, Hkristu A Myit Dum Poi ngu nna mung chye da ai laksan lamang hpe shachyen ya wa ai. (1 Korinhtu 11:20) Yesu gaw, shi asak jaw wa ai lam hpe, kasa ni hte shanhte a hpang hta byin wa na jet ai Hkristan yawng hpe myit dum shangun mayu ai. Dai lamang hte seng nna, Yesu ndai hku htet da ai: “Ngai hpe adum nga na matu, ndai galaw mu.” (Luka 22:19) Myit Dum Poi lung ai gaw, anhte a matu Yehowa hte Yesu madun wa ai tsawra myit hpe chyeju dum ai lam madun ai re.
Kahtap Hkaja
Yehowa hte Yesu madum wa ai tsawra myit hpe chyeju dum lu ai kaga lam ni hpe hkaja yu ga. Hkristu A Myit Dum Poi gaw hpa majaw grai ahkyak ai lam hpe mung hkaja yu ga.
3. Chyeju dum ai myit gaw tatut galaw na matu shadut ya
Nang hka lim nga ai shaloi, nang hpe marai langai hkye la ai ngu shingran yu u. Shi galaw ya wa ai lam ni hpe aloi sha malap kau na kun? Shing nrai, shi hpe chyeju dum lu ai lam ni hpe tam na kun?
Anhte asak hkrung nga ai gaw Yehowa a majaw sha re. 1 Yawhan 4:8-10 hpe hti nna, ndai ga san ni hpe bawngban u:
Yesu a shagu hkungga gaw hpa majaw laksan kumhpa re ai kun?
Na a matu Yehowa hte Yesu galaw ya wa ai lam ni hte seng nna gara hku hkamsha ai kun?
Anhte a matu Yehowa hte Yesu galaw ya wa ai lam ni hpe, chyeju dum ai lam gara hku madum lu na kun? 2 Korinhtu 5:15 hte 1 Yawhan 4:11; 5:3 hpe hti u. Dai Chyum daw langai hpra hpe hti ngut ai hpang, ndai ga san hpe bawngban u:
Dai Chyum daw ni hku nga yang, chyeju dum ai lam hpe gara hku madum lu na kun?
4. Yesu hpe kasi la u
Chyeju dum ai lam hpe madum lu ai kaga lam langai gaw Yesu hpe kasi la ai hku nna re. 1 Petru 2:21 hpe hti nna, ndai ga san hpe bawngban u:
Yesu a hkang hpe gara lam ni hku nna htep lahti hkan sa lu ai kun?
Yesu gaw Karai a Mungga hpe tsawra ai, kabu gara shiga hkaw tsun ai, kaga ni hpe karum ya
5. Hkristu A Myit Dum Poi hpe lung u
Shawng nnan galaw wa ai Madu A Shana Shat Sha Poi hta hpa galaw wa ai hpe chye na matu, Luka 22:14, 19, 20 hpe hti u. Dai hpang ndai ga san ni hpe bawngban u:
Madu A Shana Shat Sha Poi hta hpa ni galaw wa ai kun?
Muk hte tsabyi gaw hpa a malai re ai kun?—Daw kaji 19 hte 20 hpe yu u.
Yesu gaw, shi a sape ni hpe shi si ai ladu hkrum nhtoi du shagu, laning mi hta kalang, Madu A Shana Shat Sha Poi hpe galaw shangun mayu ai. Dai majaw, Yehowa Sakse ni gaw, htet da ai hte maren, Hkristu si ai lam hpe myit dum na matu, shaning shagu hkrum zup ai. Dai ahkyak ai zuphpawng hte seng nna chye na matu, VIDEO hpe hpaw. Dai hpang, ndai ga san hpe bawngban u.
Myit Dum Poi hta hpa ni galaw ai kun?
Muk hte tsabyi gaw masat dingsat re. Muk gaw anhte a matu, sak jaw wa ai Yesu a shinggyim hkum hkrang hpe malai tsun ai. Tsabyi gaw shi a sai hpe malai tsun ai
Nkau Mi Tsun Ai: “Hkye hkrang la hkrum na matu, Yesu hpe kam yang rai sai.”
Dai hta grau nna naw galaw ra ai lam hpe madun na matu, Yaku 2:17 hte Yawhan 3:16 hpe nang gara hku akyu jashawn lu na kun?
Kadun Dawk
Myit Dum Poi lung ai hku nna, shi hpe kamsham ai lam madun ai hku nna, anhte a matu Yesu galaw ya wa ai lam ni hpe chyeju dum ai lam anhte madun ai.
Bai Maram
Yesu hpe kamsham ai lam madun ai ngu ai gaw hpa lachyum rai kun?
Na a matu Yehowa hte Yesu galaw ya wa ai lam ni hpe chyeju dum ai lam gara hku madun mayu ai kun?
Hkristu A Myit Dum Poi hpe lung na matu hpa majaw grai ahkyak ai kun?
Sawk Sagawn
Hkristu si hkam ai lam gaw hpa galaw na matu anhte hpe shadut ya ai kun?
Yehowa Hpe Shagrau Na Matu Shi A Hkum Hkrang Hpe Akyu Jashawn Wa (9:28)
Makam masham hte seng ai lam, dai hpe gara hku madun lu ai lam hpe grau nna hkaja yu u.
“Yehowa A Ga Sadi Ni Hpe Kamsham Ai Lam Madun U” (Sin Langchyi, October 2016)
Yesu a shagu hkungga hte seng ai lam hpe atsawm hkaja ai gaw, num langai a prat hpe akyu shabyin ya wa ai. Dai hpe chye na matu, “Nye A Prat Bai San Seng Mat Nna Kaja Htum Asak Aprat Hte Ngwi Pyaw Nga Sai” ngu ai labau hpe hti yu u.
“Chyum Laika Gaw Prat Hpe Galai Shai Ya” (Sin Langchyi, August 1, 2011)
Myit Dum Poi hta muk hte tsabyi sha ai ni hpa majaw n law ai hpe hkaja yu u.