Kaga Ni Hpe Myit Lawm U

Yesu Galaw Wa Ai Lam

VIDEO: Yesu Hte Hka Sa Ja Ai Numsha

1. VIDEO hpe yu u, shing nrai Yawhan 4:6-9 hpe hti u. Lawu na ga san ni hpe myit yu u:

1. Ga garai n shaga hpang shi yang, dai numsha hte seng nna Yesu hpa hpe sadi hkrup ai kun?

2. “Ngai hpe ntsin jaw lu e” ngu Yesu tsun ai. Dai gaw ga shaga hpang na matu hpa majaw tang du ai ladat rai kun?

Yesu Kaw Na Hpa Sharin La Mai Ai Kun?

2. Kaga ni myit lawm ai lam langai hte hpang yang, tsun shaga lam hta grau kaja wa na re.

Yesu Hpe Kasi La U

3. Ra ang ai hku galai shai u. Tinang myit da ai lam hpe sha, n lu lu hkra hkum tsun. Dai ni aten kaga masha ni myit lawm ai lam hte shaga hpang u. Tinang hkum tinang ndai hku san u:

1. ‘Hpa shiga ni nga ai kun?’

2. ‘Htingbu ni, bungli manang ni, jawng manang ni gaw gara lam hpe tsun nga ai kun?’

4. Maram yu u. Tinang hkum tinang ndai hku san u:

1. ‘Ya shi hpa galaw nga ai kun? Shi hpa hpe myit taw ai kun?’

2. ‘Shi a bu hpun mawn sumli ai lam hte nta gaw, shi a htunghking (sh) makam masham hte seng nna hpa hpe madun nga ai kun?’

3. ‘Shi hte ga shaga na matu htap htuk ai aten rai na kun?’

5. Madat u.

1. Ga law law hkum shaga.

2. Shi shaga wa hkra galaw u. Htap htuk yang ga san ni san u.