Htap Htuk Ai Hku Tsun U

Hpilip Galaw Wa Ai Lam

VIDEO: Hpilip Gaw Ehtiopi Unuk Hpe Kabu Gara Shiga Hkaw Tsun

1. VIDEO hpe yu u, shing nrai Kasa 8:30, 31 hpe hti u. Lawu na ga san ni hpe myit yu u:

1. Hpilip gara hku tsun shaga hpang wa ai kun?

2. Tsun shaga hpang na matu, Chyum Laika kaw na shi n chye shi ai lam hpe tsun na matu, dai gaw hpa majaw htap htuk ai kun?

Hpilip Kaw Na Hpa Sharin La Mai Ai Kun?

2. Htap htuk ai hku tsun shaga yang, kaga ni myit li ai lam n nga ai sha, anhte tsun ai lam hpe grau madat mayu na re.

Hpilip Hpe Kasi La U

3. Maram yu u. Myi man nsam, galaw ai lam ni hpe yu nna kaga ni a lam law law chye lu ai. Shi ga shaga mayu ai zawn rai nga ai kun? Shaga mayu ai zawn rai yang, “. . . a lam na ga ai i?” ngu chye na loi ai hku san nna, Chyum Laika kaw na lam langai ngai hpe tsun hpang mai ai. N kam shaga ai wa hpe atik anang hkum tsun.

4. Myit galu u. Chyum Laika a lam kalang ta tsun ra na ngu hkum hkamsha. Tsun shaga mai wa na aten hpe la u. Hpang kalang bai hkrum yang she, tsun shaga mai wa ai baw mung nga chye ai.

5. Ra ang ai hku galai shai u. Tsun nga ai shaloi, shi tsun ai lam a majaw kaga lam de du mat chye ai. Tinang myit da ai gaw langai, tsun byin mat ai gaw langai rai yang pyi, shi hte htap htuk ai lam hpe sharawng awng let tsun dan u.