Matsan Dum U

Yesu Galaw Wa Ai Lam

VIDEO: Myi N Mu Ai Wa Hpe Yesu Shamai Ya

1. VIDEO hpe yu u, shing nrai Yawhan 9:1-7 hpe hti u. Lawu na ga san ni hpe myit yu u:

1. Yesu hpa hpe shawng galaw ai? Myi n mu ai wa hpe tsi ya ai kun? Kabu gara shiga hkaw tsun ai kun?—Yawhan 9:35-38 hpe yu u.

2. Yesu kabu gara shiga hkaw tsun ai shaloi, dai wa hpa majaw madat mayu ai rai kun?

Yesu Kaw Na Hpa Sharin La Mai Ai Kun?

2. Anhte shi hpe myit lawm ai lam shi hkamsha yang, kabu gara shiga hpe madat mayu wa na re.

Yesu Hpe Kasi La U

3. Madat nga ai wa a hkamsha lam hpe myit ya u.

1. Tinang hkum tinang ndai hku san u: ‘Shi hta hpa myit tsang lam ni nga ai kun? Hpa lam hpe tsun yang shi myit lawm na kun? Hpa lam gaw shi hpe karum shingtau ya lu na kun?’ Dai zawn myit yang, myit majing hte matsan dum myit madun lu na re.

2. Shi tsun ai hpe madat ya ai hku nna shi hpe myit lawm ai lam madun u. Shi a hkamsha lam (sh) hkrum nga ai manghkang ni hpe tsun wa yang, myit galu let atsawm madat ya u.

4. Matsan dum myit hte hkungga let tsun u. Kaga ni hpe matsan dum ai, gaja wa karum ya mayu ai nga yang, na a tsun shaga ai lam hta dan dawng nga na re. Nang tsun na ga si, ga ngau ni hpe atsawm lata u. Nsen hpe sadi u. Myit n pyaw byin shangun na ga ni hpe koi u.

5. Karum ya u. Ra ang yang, htap htuk ai hku tatut karum ya u. Matsan dum ai lam madun dat ai gaw, tsun shaga na matu lam hpaw mat chye ai.