Hpaji Rawng U

Pawlu Galaw Wa Ai Lam

VIDEO: Ahten Masha Ni Hpe Pawlu Hkaw Tsun

1. VIDEO hpe yu u, shing nrai Kasa 17:22, 23 hpe hti u. Lawu na ga san ni hpe myit yu u:

1. Ahten mare hta mu lu ai shut shai ai nawku htung ni hte seng nna Pawlu gara hku hkamsha ai kun?—Kasa 17:16 hpe yu u.

2. Ahten mare masha ni hpe mara shagun na malai, shanhte kamsham ai lam ni hpe akyu jashawn nna, kabu gara shiga hpe hpaji rawng let Pawlu gara hku hkaw tsun ai kun?

Pawlu Kaw Na Hpa Sharin La Mai Ai Kun?

2. Gara zawn ga hpe, gara aten hta, gara hku tsun na ngu ai hpe atsawm lata nna tsun yang, masha ni grau madat mayu wa na re.

Pawlu Hpe Kasi La U

3. Ga si hpe atsawm lata u. Ga shadawn, Hkristan n re ai marai langai hte ga shaga ai shaloi, Chyum Laika hpe shachyen ya ai lam, Yesu a lam tsun ai hpe ladat galai shai nna tsun dan ra ai.

4. Kalang ta hkum sharai ya. Wanglu wanglang tsun u ga. Chyum Laika hte n htan shai ai lam lama ma tsun yang pyi hkum ningdang. (Yak 1: 19) Madat ya dat yang, shi hpa hpe kam ai, hpa majaw kam ai hpe chye wa na re.—Gsh 20:5.

5. Myit hkrum ging yang myit hkrum u, shakawn ging yang shakawn u. Shi a nawku htung sharin ya ai lam ni jaw ai ngu myit majing hte kam nga chye ai. Lahkawng yan mai bawngban na lam ni hte shaga hpang u. Hpang she Chyum Laika sharin achyin lam ni hpe chye na hkra angwi ngwi karum ya u.