Gwi Gwi Tsun U

Yesu Galaw Wa Ai Lam

VIDEO: Zake Hpe Yesu Hkaw Tsun

1. VIDEO hpe yu u, shing nrai Luka 19:1-7 hpe hti u. Lawu na ga san ni hpe myit yu u:

1. Zake hpe masha nkau hpa majaw koi ai kun?

2. Zake hpe kabu gara shiga hkaw tsun na matu Yesu hpe hpa gaw shadut ya ai kun?

Yesu Kaw Na Hpa Sharin La Mai Ai Kun?

2. Mungdan shiga hpe myi man n lata ai sha hkaw tsun na matu gwi ra ai.

Yesu Hpe Kasi La U

3. Yehowa hpe kamhpa u. Karai a chyoi pra ai wenyi gaw hkaw tsun na matu Yesu hpe atsam jaw ai zawn, nang hpe mung jaw na re. (Mat 10:19, 20; Luk 4:18) Nang hkrit ai ni hpe hkaw tsun gwi na matu Yehowa kaw karum hpyi u.—Kas 4:30.

4. Masha hpe hkum jeyang. Kaga masha ni a hkrang nsam, arawn alai, sut masa, nga sat nga sa, makam masham lam ni hpe yu nna tsun shaga hpang na matu htingnut chye ai. Raitim, ndai hpe dum u:

1. Yehowa hte Yesu gaw masha a myit masin hpe chye lu tim, anhte n chye lu ai.

2. Yehowa a matsan dum myit hte n ging dan ai masha n nga ai.

5. Gwi gwi tsun u. Raitim, hkungga u, sadi u. (Mat 10:16) Hkum ningdang hkat. Kabu gara shiga hpe n kam madat ai wa rai yang (sh) masa n kaja ai ngu hkamsha yang, hkungga let tsun nna shangut kau u.—Gsh 17:14.