Sape Shatai Lu Hkra Dawdan Da U

Yesu Galaw Wa Ai Lam

VIDEO: Nikodi Hpe Yesu Sharin Ya

1. VIDEO hpe yu u, shing nrai Yawhan 3:1, 2 hpe hti u. Lawu na ga san ni hpe myit yu u:

1. Nikodi gaw Yesu kaw hpa majaw shana hta she sa ai kun?—Yawhan 12:42, 43 hpe yu u.

2. Nikodi hte shana hta hkrum ai gaw, shi hpe sape shatai na matu Yesu dawdan da ai hpe gara hku madun ai kun?

Yesu Kaw Na Hpa Sharin La Mai Ai Kun?

2. Sape tai wa hkra karum ya na matu dawdan da ai gaw masha ni hpe tsawra ai lam madun ai re.

Yesu Hpe Kasi La U

3. Chyum ga sharin htap htuk na aten hte shara hta hkaja u. Masat da ai shani hte aten hta hkaja ai hpe shi ra sharawng na re. Shi a bungli shara, nta (sh) shara ra hta hkaja ai gaw grau htap htuk na kun? Shi a matu htap htuk ai aten hte shara hta hkan nna na a chyarang hpe galai shai u.

4. Ayan sharin u. Bu hkawm ai rai yang pyi, sharin ai hpe hkum jahkring. Ndai hku myit yu u:

1. Dai bat a kaga aten hta sharin ya lu na kun?

2. Phone (sh) video matut mahkai nna sharin ya lu na kun?

3. Sharin ya na matu hkaw tsun masha langai ngai hpe karum hpyi lu na kun?

5. Jaw ai myit jasat nga na matu akyu hpyi u. Chyum ga sharin gaw ayan sharin na matu yak ai (sh) Chyum Laika sharin achyin lam hpe tatut hkan sa na matu lanyan nga ai rai yang pyi, Chyum ga sharin hpe matut karum ya lu na matu Yehowa kaw hpyi shawn u. (Hpl 2:13) Chyum ga sharin hta kaja ai atsam ningja law law nga na re. Dai ni hpe myit maju jung lu hkra akyu hpyi u.