Hkaw Tsun Ladat Ni

Sin Langchyi February 1

“Dai ni, ndai garan laika hpe anhte garan hkawm ai. Chyum Laika hta lawm ai hpaji rawng ai lam matsun ni hpe, garan laika hta madun da ai. Nang mung langai mai la ai. [Chyum Laika Hpe Nang Gara Hku Mu Mada Ai Rai? garan laika hpe nta madu hpe jaw u.] Bungli hte seng ai ta tut hpaji jaw lam ni, Chyum Laika hta lawm ai kun? ngu nna masha nkau chye mayu ma ai. Dai hte seng nna, chyum daw langai hti dan mayu ai. [Hpaji Ningli 3:13 hpe hti u.] Bungli hta ngwi pyaw ai lam, gara hku lu la na, Chyum ga matsun nkau mi hpe, ndai magazine hta madun da ai. Nang hti mayu ai kun?”

Dum Hprang! February

“Hpang jahtum shapraw ai Dum Hprang! magazine hpe sa jaw ai re. Myit lawm na zawn re ai, ga san a mahtai hpe ndai magazine hta ka da ai. [Makawp hpe madun u.] Magazine hta lawm ai, ga shadawn hte seng nna, nang mu mada ai hpe chye mayu ai. [Ga Shagawp 29:11 hpe hti u.] Ndai lam matsun gaw, dai ni na aten a matu, ta tut re ai ngu nang shadu ai kun? [Mahtai hpe la u.] Ndai magazine hta, Chyum Laika lam matsun mali hpe ka da nna, dai mali hpe ta tut jailang ai kaw nna, lu la na akyu ni hpe mung ka da ai.”