Hkaw Tsun Bungli Hta Grau Kaja Hkra Galaw Ai Lam—⁠Masha Ningnan Ni Hpe Shaman Ya U

Hpa Majaw Ahkyak: Yesu a sape ningnan ni gaw Yesu matsun da ai, “hkang da mada yawng” hpe sharin la nna, kaga masha ni hpe teng man ai lam bai sharin ya ra ai. (Mah. 28:19, 20) Masha ningnan ni gaw, Hkaw Tsun Jawng hta shang lawm nna, shanhte a nta masha ni hte manaw manang ni hpe sakse hkam nga na re. Yehowa gaw masha yawng hpe kabu gara shiga na shangun mayu ai hpe chye wa nna manu shadan wa ai shaloi, shanhte gaw hkaw tsun bungli hta shang lawm mayu ai ngu tsun wa na re. (Rom. 10:13, 14) Hkalup n hkam shi ai hkaw tsun masha byin wa yang, teng man ai lam hta galu kaba wa hkra shaman ya na matu ra ai. Rai yang she, tinang hkum tinang kam ai myit nga wa na re.—⁠Luk. 6:40.

Galaw Mai Ai Lam:

Hkaw tsun masha ningnan hpe hkaw tsun bungli hte sharin achyin ai bungli hta shang lawm lu na matu, ra rawng ai laili laika ni lu hkra karum ya u. Hkaw tsun nhpye hta hpa ni bang ra na hpe tsun dan u. La sa na laika langai hpra a lam hpe tsun dan u.
Anhte A Mungdan Magam hta lawm ai hkaw tsun ladat ni hte shaman ya u. Dai hkaw tsun ladat ni hpe, shi hkrai lu tsun na matu n-gun jaw u. Hkaw Tsun Jawng Laika Buk-BU, laika man 82 hta na anhte a hkaw tsun lawk hte htap htuk ai hpe lata nna shaman shakyang mai ai. Htap htuk ai bu hpun palawng rai ra ai hpe ahkyak shatai tsun u.—⁠2 Kor. 6:3, 4.
Tsang hte tsang shaman ya u. Hkaw tsun masha ningnan hpe hkaw tsun lawk ga sumla card hpe madun u. Myit lawm ai ni hpe mu yang, hkaw tsun matsing jahpan hpe gara hku jailang mai na lam madun u. Hkaw tsun bungli hta, Amyu Baw Shagu Na Masha Ni A Matu Kabu Gara Shiga laika buk hte jw.org website hpe gara hku jailang ra na hpe sharin ya u. Myit lawm ai wa hpe gara hku karum ra na lam chye wa hkra karum ya u.—⁠1 Kor. 3:6.
Myit galu u, shakawn ya u. (Ga Sh. 25:11) Kaja ai kasi ningli madun u. Na a shakut shaja ai lam hte shi akyu hpe myit lawm ai lam madun ai gaw htawm hpang du hkra akyu lu shangun na re.

Ndai Shata Laman Shakut Yu U:

Hkaw tsun masha byin ngut sai, na a Chyum Ga sharin hpe, hkaw tsun bungli, bai kawan ai lam hte Chyum sharin lamang ni de shaga sa u. Chyum Ga sharin n nga yang, mahkrum madup nau n nga ai ni hpe nang hte arau galaw na matu saw shaga u.